search

Writer

Tags

How do you feel about the article?

أصحوا ليغفلونا

كتبت - ندى أباظة

هو فى ايه يا جماعة، ايه اللى بيحصل والله يعنى من إعلانات راقية وأشعار مثالية لـ"شمر يلا.. ركبك يلا" و"شبرقة .. بعزقة" و"عيال فرافير لاجمد واحد الكوكب".. من فترة جت شركات المحمول المصرية عايزة تعمل ترند وكل شركة تعلى على التانية وإعلانات يا معلم وممثلين ومغنين وناس من بتوع الأيام دى بتوع السوشيال ميديا اللى بيقولوا عليهم "انفلونسرز"  يقتحموا الكوكب بفيديوهات كتيره من بتاعت الجيم و الحمام و انت داخل تنام و الناس ديه انتوا اكيد عرفنهم يقوم يحصل الاتى

تنزل شركة أورنج وتقوم تاخد اكتر مهرجان شعبى الناس ماشية بتغنيه على نفسها، لأ ومش بس كدة دى كمان تجود عليه علشان يخدم محتواها، يعنى المهرجان يقولك " العب يلا .." قام ابو حفيظة مع شركة أورنج يحطوا التاتش بتاعهم و قالولك " شمر يلا .. ركبك يلا " هوبااااااااا لأ دول فعلا بيشمروا يا جماعة

https://www.youtube.com/watch?v=JQr-agnUaEM

فودافون تسكت لأ طبعا .. قامت نازله بـ"مارد العروض" وهوب "شبرقة شبرقة .. بعزقة بعزقة" بتعاون الكبير من التوينز الشعبي أوكا وأورتيجا ونجم اللعب مع الزهر الفنان أحمد شيبة بس بصراحة الاعلان حلو و بالذات وهما بيطلعوا بشبرقة وبينزلوا ببعزقة و الفلوس طايرة كدة في الهوا، و كارت الكروت علي الكل هيعلم يا جماعة و ننزل بقى ونصور المارد و هو بيعلم و بيوزع كروت فى سوق الخضار وناس ترقص و تهيص و يلا" ارقصى يا رقاصة".

https://www.youtube.com/watch?v=S4Uj9pU9ZvA

طبعا مين بقي اللى كانت مستنية تقصف جبهة أى اعلان موجود فى الساحة "اتصالات" تروح جايبالك نجم الاكشن و الضرب وصاحب أجمد فورمة فيكى يا مصر و جون سنو السينما المصرية "محمد رمضان"، و يلاااااااا بينا و يطلع النجم الكبير بالفورمة الجديدة هوب باى و تراى ورقصة روبوت وكرسى الـ"جيم اوف ثرونز" و يطلع من الاخر و يغني يقولك احنا اقوى كارت في مصر و ثقة فالله انا لو لو لو لو لمحتوه هينونو عايشها و بيحلو لازم يخاف من العو .. "لا انا خفت يا جماعة " وفي .اخر الاعلان يزعق و يقولك: "اللى يقولك أنا الكبير قولة مش طالبه فرافير" و ده كمان افشخ كارت في مصر من أجمد فورمة في مصر

https://www.youtube.com/watch?v=9PyCiYl3KCk

تقوم شركة أورنج من وجهة نظرى نزلة بأعلان في نفس اليوم وحش أوى وكلهم ناس من بتوع السوشيال ميديا والاغنية حتى مش مفهومة و كلهم مش بيضحكوا وكلهم بوكر فيس و كلهم عاملين الاعلان مضررين اه و الله زى ما بقولك كدة.. تقريبا كان ممسوك عليهم ذلة او الاخراج مش اد كدة مش عارفة و الله و يقولك " الجديد فى الاجدد منه" هو حتى لو فيه كدة محدش هيعبركوا بوشكوا ده يا جماعة .. خليكوا فريش مش كدة

https://www.youtube.com/watch?v=ar0u_uk74_k

بس نكلم بهزار و الله الناس واكلة معاها جو الشعبيات و الفرفشة و الرقص و الطبلة و الهىء و المىء  وخليكوا فريش احنا فى رحلة .. الناس ما بتصدق حاجة تفرفشها و ترقصها و تخليها ماشية مزقططة - حلوة مزقططة دية - الزتونة بقى من كل ده.. أن المصريين شعب نكتة و بنحب نأفى على كل حاجة و نطلع منها نكتة عشان   تجيب مع الناس خلو الناس تفرح بس بلاش أوفر يا جماعة .و النبى واصحوا ليغفلونا

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments