search

اليافطة

كتب محمد فاروق

كام مرة مشيت من تحت كوبرى وكنت بتتمنى إنك تتحرم من حاسة الشم ، كام مرة شفت ناس بتتبول على الحوائط بالشارع أو على عمدان النور واتمنيت تتحرم من نعمة النظر، وزى ما كل فعل ليه سبب، فاكيد التصرف ده ليه سبب، الحمدلله أغلب المصريين مش كدة ، وإلا القاهرة بعد ما كانت مقبرة الغزاة هتبقى مبولة الغزاة.

حتى أغلب الناس اللى بتقوم بالتصرف دة، بيبقى غصب عنها، وده لأن فى ناس مش بتستحمل تتماسك لغاية ما توصل لمكان به حمام، وطبعاً ده مش مبرر، بس ثقافة الحمامات العامة فى الشوارع بقت مش موجودة للأسف وده بعتبره سبب من أسباب إنتشار ظاهرة التبول في الشارع.

بس ده برضه مش مُبرر لانتشار الظاهرة دى.. وبالأخص فى الأحياء السكنية ، فالجمعيات الأهلية بحى مصر الجديدة بعد تنسيقها مع الحى ، عملوا فكرة "كرياتيف" بصراحة ، وهي أن تتعلق لافتة فى الشوارع بدون أى كلام مجرد رسوم بتوضح ان الشوارع بها كاميرات، وأى حد هيتبول في الشارع هيتم رصده وهيتعرض للغرامة لا ومش بس كدة ،الفيديو كمان هيتم نشره علي اليوتيوب - نقف دقيقتين نصفق للناس دى يا جماعة - وطبعا الفكرة دي مناسبة جدا للناس الـ ماشية بمبدأ " أخاف ماختشيش " .. وفي انتظار وجود حل قوي زي دة للناس اللـي بتف في الشارع.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments