search

Writer

How do you feel about the article?

الجوهرة الروسية

كتبت ألاء حجازى

انتشرت على مواقع التواصل الإجتماعى من فترة قُريبة مقاطع فيديو رقص شرقى للراقصة (أيكاترينا أندريفا) الروسية و المعروفة في مصر ب (جوهرة) و بدأ الفيديو بالتداول بشكل كبير بين الشباب و البنات و قد إيه إنها أحلى من البنات المصرية و إنها مُلفتة و طبعاً بيمدحوا في رقصها.

كل ده عادى جداً لأى حاجة بتحصل فى مصر وإنها بتنتشر بشكل مبالغ فيه و إحنا خلاص إتعودنا على كدة سواء كان صح أو غلط و سواء كانت العادة دى كويسة أو لأ و إنها بتعمل من الناس اللى مالهاش أى لازمة مشاهير.

بس الغريب بقى إن بعد إنتشار الفيديوهات دى بكام يوم نزل خبر القبض على الراقصة "أيكاترينا أندريفا" من الإدارة العامة لشرطة السياحة و الآثار و إن نيابة قسم الجيزة بدأت التحقيق معها بتهمة التحريض على الفسق و الفجور على مواقع التواصل الإجتماعى و الرقص ببدلة شبه عارية و غير مطابقة للمواصفات ، و كانت تُظهر مفاتن جسمها و بدون شورت (آه والله زمبقولك كدة) !! و ظهرت كومنتات كتيرة من الشباب بعد الخبر ده و كان أشهرها "بتموتوا الصاروخ ليه!)

و إن الخطوة ديه كانت "في إطار العمل على مكافحة الجرائم داخل المنشآت السياحية و الفندقية". و أشارت التحريات إن أيكاترينا دخلت مصر من فترة قريبة بتآشيرة سياحية بس هى قررت تشتغل فى مهنة الرقص الشرقى و عملت ترخيص من وزارة القوى العاملة لمدة سنة و بدأت تشتغل في ملهى ليلى بالجيزة.

و إنها كانت بتشتغل فى أكتر من مكان و ده بيخالف القانون لأن القانون بيسمح للأجانب فى الرقص في مكان واحد بس و بكدة هي كانت بتتهرب من دفع الضرائب بالإضافة لأن بدلتها كانت غير مطابقة للمواصفات المفروضة فى قانون رقم 430 لسنة 1955 و اللى حدد مواصفات بدلة الرقص الشرقى ، بأن يكون نصفها السُفلى مغلق و من غير فتحات جانبية و تغطى البدلة البطن والصدر، وتم إخلاء سبيل أيكاترينا بكفالة 5000 جنيه مصرى.

بس لسه إحنا بنسأل هو من إمتى و الرقص بيطبق عليه ضرائب؟ و السؤال الأهم من إمتى و فيه مواصفات لبدل الرقص الشرقى؟ و بالذات إن إحنا كتير شوفنا بدل رقص زي اللي كانت أيكاترينا لبساها و ساعات بتكون ملفتة أكتر وبيبقوا في أفلام و مسلسلات! ف هل ده فعلاً هيتم تطبيقه على كل الراقاصات في مصر و لا ده كان بلاغ بقصد من حد عن الرقاصة أيكاترينا ؟؟

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments