search

Writer

Tags

How do you feel about the article?

"ايه ده يابختك انت/ي بره مصر"

- كتبت جوليان عزت -

يابختك انت بره مصر".. جملة أى حد خارج مصر لازم ولابد انه يكون سمعها.. طيب احنا كناس مغتربة أول سنتين دول بيبقى عندنا إكتئاب وأغانينا المفضلة بتبقى ساعات بشتاق وجبنى الحنين للفنان محمد فؤاد ويابلادى ياأحلى البلاد يابلادى للفنانه شادية ومشربتش من نيلها للفنانه شيرين، بنبقى عاملين زى الطفل اللى بيتحدف فى البحر وهو يا حرام مش بيعرف يعوم ويقولوا احدفه وهايتعلم لوحده.

لغة جديدة ناس جديدة عادات وتقاليد جديدة، فكرة انك مش لاقى حد تتكلم أو تخرج معاه دى حاجة رخمه أوى، ناس هتقول انتى بتهزرى عندك شغل ودراسة، هقولهم حلو الكلام يا جماعة بس أقسم بالله انى شخصيًا أعرف ناس شغالة فى مصر وعارفه تعيش مرتاحه، حد قالهالى كلمة: "اللى بيشغل دماغه فى مصر بيعرف يستريح". احنا مشكلتنا فى بلادنا اننا مسترخمنها.. مع ان الاجانب أكثر بلد بيحبوها هى مصر والله زى ما بقولكم كدا، أنا سألتهم سؤال ايه اكتر حاجه عجبتكم ف مصر؟ الرد كان: "بلادكم دافئه فيها حاجه مش موجوده فى أى بلد تانيه الناس بيتعاملوا مع بعض ومعانا كأنهم يعرفونا من زمان"، قولتلهم غريبه، طيب ايه اكتر حاجه معجبتكوش ف مصر؟ قالوا عايزه الصراحه، قولتلهم الصراحه راحه اشجونى، قالولى إن الزحمة ومفيش قانون، بصراحه حاولت أبوظ السياحة شويه، وقولتلهم طيب والارهاب و البياعين اللى بيغلوا الاسعار عليكم وكل السرقة والتحرش اللى بيحصل وقله التعليم والجهل اللى فى البلد كل ده مخدتوش بالكم منه، قالولى خدنا بس ده شئ طبيعى فى ناس عايشة فى كبت وبلد مفيهاش قانون قولتلهم والله كتر خيركم . اللى عايزه اقولكم عليه ان بلادنا حلوه بينا بشعبها لو عايزين نشتغل هانشتغل لو عايزين نعمل قانون هانعمل من نفسنا قانون وهانمشى عليه لو بلادنا مش مشجعانا نشجعها احنا احنا شعب قام بثورات من 1919 لحد الوقت اللى احنا فيه ده، فانتوا فاهمين احنا اقويه قد ايه؟! احنا شعب اتمرد على عدم تعليم البنات و نزلهم يتعلموا، احنا شعب كانت اليابان بتبعتلنا بعثات يتعلموا عندنا، احنا شعب الترك والطلاينه والانجليز واليونانيين كانوا بيشتغلوا عندنا، احنا شعب الناس كانت بتسيب بلادها وتيجى تشتغل عندنا علشان مش لاقيين شغل فى بلادهم، طيب انتوا عارفيين ان الالمان كانوا أيام الحرب العالميه بيعملوا لجوء فى مصر، اه بجد .. ليه بقى الحكاية اتعكست وبقينا احنا اللى بنشتغل عندهم؟ ليه استقلينا ببلادنا؟ ليه دايمًا عندنا استعداد نسافر ونتبهدل ف بلاد غيرنا مع ان لو تعبنا شويه فى بلادنا هتبقى احسن من البلاد اللى بنسفرلها ديه .. حد هيطلع يقولى بس التعب بره بيبقى بمقابل فى الاخر .. هقوله انت جربت؟.. انت بيطلع عينك والمقابل مش كتيير ولا حاجه.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments