search

الشخص المختار

كتب أحمد نبيل

فى فترات كده بتيجى فى حياة الفرد بتبقى عبارة عن خنقة وضيق وحاجات من هذا القبيل، الحاجات دى بتبقى اول الطريق للاكتئاب، وطبعًا كلنا عارفين ان الاكتئاب ده مرض نفسى لعين، بس فى الساعات دى بتبقى حابب تنعزل عن العالم الخارجى وكاره كل ما يمس البشر من مشاعر وكاره اختلاطك بالناس عامة سواء بيحبوك وعاوزين يساعدوك او ناس مبتحبكش وتأذيك، الوقت ده انت بتبقى محتاج شخص واحد بس هو اللى يقف جانبك، ولو جه مليون بنى أدم تانى أنت متبقاش عاوز إلا الشخص ده.

ليه بقى بتبقى مش عاوز إلا الشخص ده، علشان انت مش بتبقى عاوز حد ينصحك ولا يقولك إن اللى انت فيه ده غلط وان مينفعش انك تقفل على نفسك ومينفعش تخش تحت مظلة الإكتئاب، لان ببساطه انت بتبقى عارف كل ده بس انت برضه مش عاوز تسمعه، انت عاوز تسمع كلمة من شخص ما قلبك اللى اختاره مش عقلك يقولك بالحرف: "أنا جانبك ومعاك فى أى حاجة"، انت بترتاح نفسيًا لمجرد انك سمعت ان فى حد ممكن يغامر معاك حتى لو ماشى غلط بس واقف جانبك بقلبه هو كمان.

الشخص ده حافظ عليه واتمسك بيه بايدك وسنانك واوعاك فى يوم تخسره، الشخص ده قليل فى الزمن ده، الشخص ده ممكن ميكونش حبيب او حبيبه - بس هو غالبًا بيبقى كده - ممكن يكون بابا ممكن تكون ماما ممكن تكون اختك الكبيرة ممكن يكون انتيمك ولا صديق عمرك، أيًا كان هو مين فمتسبوش علشان صعب تعوضه فى يوم من الأيام.. صباح الفل

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments