search

Writer

How do you feel about the article?

حكاية بنت الأيه.. الاحتياج

كتبت - ندى أباظة

الاحتياج من أسوء الحاجات اللى بتحسها أى بنت، ممكن تلاقى ده لما تحتاج حاجة بشدة من شخص معين و فجأة فالنص يقولك مش هاقدر، ساعتها بتحسى كأنك واحدة كنتى محتاجة إنك تلمسى السحاب وحد قالك إنه يقدر يساعدك ورفعك لدرجة أنك صدقت إنك خلاص وصلتلها وكام سنتيمتر وهتلمسيها، وفجأة يقولك: "مش هقدر".. فأنتى تقعى.. ساعتها بتتمنى ان ياريتك ما احتاجتى للحد ده علشان بسببه انتى حسّيتى ان في جواكى حاجة اتكسرت، دى حكاية بنت الأيه النهاردة عن "الاحتياج"...

أصعب إختيار لما تلاقى نفسك واقف قدام قلبك وعقلك ولازم تاخد قرار، هو هو انتى نفس الشخص اللي واقفه قدام قلبك بتكسريه أو عقلك بتنصريه والعكس، بس فى النهايه انتى الخسرانة.. لأنك لاهاتقدرى تعيشى بقلب مكسور ولا بعقل انتى اللى خذلتيه.

الاحتياج هى كلمة صغيرة شايلة هموم كتير.. ومعاني كتير.. اكتر كلمة ليها ألف تفسير ومعنى، مفيش ولا واحد فينا موقعش تحت رحمة الإحتياج سواء لأب أو لأم أو لأخ أو لحبيبة أو صديقة أو دايمًا فى احتياج لحاجة شايفينها فى حد، يعنى لو نفهم معنى الاحتياج صح هنعرف أنه احتياج لإحساس ليس إلا، بالظبط زى العطشان وقدامه كوباية مياه..احتياجه هيخليه يشرب بس لو شرب وشبع احتياجه خلص ... الموضوع متغير لان كل علاقة فيها مليون نوع احتياج، زى الأب لما بيكون قاسى على بنته.. أول واحد هيلف دماغها بكلمتين فيهم حنان قلبها هيضعف قدامه وتبتدى مشاكل كتير والسبب هيبقى فى الاخر "احتياج".

أوقات الاحتياج كمان بيكون لاحساس مرتبط بشخص معين وده أصعب أنواعه، زى مثلاً محتاجة تحسى براحة فى وجود إنسان معين.. محتاج تضحكى بس الضحكة اللى نفسك فيها مرتبطة بانسان معين فالاحتياج هنا بقى اسمه "حب".. وده الفرق بين الاتنين.

حاولى تعرفى وتسالى نفسك.. أنا بحبه علشان محتاجاله ولا محتاجاله علشان بحبه، لأن غالبًا الحب اللى بيكون سببه احتياج بيفشل ومبيكملش صح لحد اللآخر.

أوقات بنحتاج أمان وأوقات ثقة.. أوقات تحتاجى ناس حواليكى وأوقات تحتاجى عزله عشان كدة مهم أوى انك تعرفى الفرق بين الاحتياج وبين الحب، كمان مهم أوى تعرفى انت محتاجة لإحساس ولا فعلا بتحبى، مهم تعرفى ان فى فرق بين الاحتياج وبين التمنى، مهم أوى تقفى وتسألى نفسك.. أنتى عاوزة ايه؟

وكلمة "بنت الأيه" الأخيرة ليكى: "احلى احتياج هوالاحتياج لراحة البال والهدوء اللى عمرك ما هتلاقيهم غير فى القرب من ربنا وبس"

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments