search

عندما تكون ركبة رونالدو أهم من وجود نيمار

كتب - محمد حامد

لو ليك فى الكرة هتعرف ان فى أسابيع الواحد بيستنى فيها يومين بس اللى بيهموه من الاسبوع كله، يعنى ممكن ينام الاسبوع ويصحى اليومين دول ويرجع ينام تانى، اليومين دول دائمًا بيبقوا التلات والاربع، هتسألنى ليه؟ هقولك إنك ملكش فى الكرة، هتقولى علشان دورى الأبطال هقولك انت كده صاحبى وحبيبى.

دورى أبطال أوربا ياسادة حاجة كدة محفورة فى ذاكرتنا من أيام القناة التانية الأرضية ومزيكا دورى الابطال بتخلينا نتقشعر والكاميرا بتعدى على وشوش أحسن لاعيبة فى العالم .

مش هنرغى كتير ونخش فى الموضوع أول امبارح كان فى ماتش ف دور الـ١٦ بين ريال مدريد وباريس سان جيرمان، بدون أدنى مبالغة الماتش ده لو هديلو اسم فهيبقى اكيد "طوق نجاة زيدان" .

فى مواسم بتعدى عالفرق الكبيرة كدة بتبقى كارثية نقدر نقول سببها تشبع، ممكن نقول سوء فترات إعداد، أو حتى سوء تخطيط، وساعات ممكن نقول توفيق وعدم توفيق، موسم للنسيان للملكى، نتايج كارثية فى الدورى وخروج من كأس الملك يعنى بالعربى مفيش غير دورى الأبطال البطولة المفضلة لكتيبة زيدان .

لو استعرضنا بسرعة خطة وتكتيك زيزو فى الماتش هنلاقى انه كان بيفكر بواقعية، بيلعب بخطة متوازنة بين الدفاع والهجوم، ومفيش غير حاجة واحدة فى دماغه ازاى اكسب وانقذ الموسم .

ساعات البساطة فى التفكير بتكون عبقرية ف حد ذاتها، مش هانكر إن الحظ كان واقف فى صف الريال بس بردو فى حاجة فى الكورة كدة اسمها "البقاء للأعرق" بغض النظر عن الصفقات والفلوس، بس فى تيشيرت بيلعب لوحده باسمه وتاريخه دى حاجة، وفى أدوات جوه الفرقة بتفرق، يعنى مش هنختلف أن رونالدو الموسم ده بره فورمته بس فى الماتش ده اثبت انه فعلا رجل المواعيد الكبرى، بركبته ماشى بدماغه ماشى برد هيحط اجوان، لاعيب زى مارسيلو أنا بصنفه أحسن باك شمال فى التاريخ، تلخيصا للى قلناه فوق زيدان خد اللى هو عايزه من المواجهة وساعده لاعيبة مهما مستواهم انخفض هيفضلوا علامات فارفة فى تاريخ الكورة، كده اضمنلكوا طول مالريال فى البطولة هتشوفو متعة كروية، واه حاجة تانية نستها.. ركبة رونالدو مؤثرة أكتر من الأخ نيمار .

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments