search

تشيلسى وبرشلونة.. مواجهة على صفيح ساخن

كتب - عمر خالد - أحمد نبيل

قبل ما تقرأ الكلام اللى جاى ده عاوزك تاخد نفس كده عميق، وتجيب قهوتك وترجع بالذاكرة معايا كده شويه، عارف بتعبك بس الحوار يستحق، افتكر معايا كده جملة كان بيقولها عصام الشوالى: "غدارة غدارة"، افتكرت دلوقتى صح وبتضحك، طبعًا ده جول مايسترو خط الوسط فى برشلونة "انيستا"، طبعًا الجول ده مش هينفع يطلع من دماغ أى مشجع للكرة مش لبرشلونة بس، حاجة كده"ايه الحلاوة والطعامة دى أقسم بالله".

https://www.youtube.com/watch?v=2QtUOCTdSnc

طب مش بتشجع برشلونة وناقم عليها وبتكره الولا ميسى ورفاقه، مش هتكمل قراية.. لا طبعًا مينفعش أمشيك زعلان، أرجع معايا بالذاكرة تانى، معلش طلباتى كترت بس والله المقال يستحق، فاكر لما عمنا "رؤوف خليف" بصوته المشهور  قال: "انتهى الدرس ياسادة ياكرام"، اليوم ده فيرناندو توريس المهاجم اللى مكانش بيجيب اجوال وهو والجول، عكنن على مدينة بحالها اللى هى برشلونة.

https://www.youtube.com/watch?v=j2cF14HoGus

الكلام النهاردة عن مباراة ثأثرية قتالية، حاجة من الحاجات اللى بتخلى لدورى أبطال أوروبا نكهة خاصة، المباراة المنتظرة لكل عشاق اللون الازرق (البلوز - البلوجرانا) يوم ٢٠ فبراير، هيلعب تشيلسى و برشلونة في دور الـ16 المؤهل لدور ربع النهائي لدوري ابطال اوروبا!

[caption id="attachment_2173" align="aligncenter" width="1053"]رونالدينو رونالدينو[/caption]

تاريخ المواجهات

التاريخ بيقول إن تشيلسى أقوى علي أرضه، لأنه ماخسرش في أخر ٥ مرات لعب فيها ضد برشلونة، لكن كل نسخة من دوري الأبطال و ليها مفاجائتها، و مع إن تشيلسى كسب عدد مبارايات أكتر إلا أن تشيلسى لما قابل برشلونة فى دور الـ٨ فى سنة ٢٠٠٠ وكان كسبان علي أرضه ٣-١، خسر فى برشلونة ٥-١، بس في دور الـ١٦ اتقابلوا في نسختين من دوري الأبطال صعد تشيلسى فى ٢٠٠٤/٠٥ وصعد برشلونة في ٢٠٠٥/٠٦، ولما لعبوا في المربع الذهبى صعد برشلونة فى ٢٠٠٨/٠٩ وكانت بطل النسخة وفى ٢٠١١/١٢ صعد تشيلسى وكان بطل النسخة، و لعبوا مرة واحدة في دور المجموعات و صعد تشيلسي أول مجموعة و برشلونة تانى مجموعة.

[caption id="attachment_2163" align="alignnone" width="1060"]مواجهات الفريقين بدوري الابطال مواجهات الفريقين بدوري الابطال[/caption]

مبارايات تشيلسى وبرشلونة دايمًا حواليهم جدل كبير وخناقات جماهيرية، وبنسبة ٣٠٪ من الماتشات في حد بيطرد منه لاعب والانذارت على قفا مين يشيل، على الأقل ٣ كل ماتش ووصلت ١٠ فى ٢٠٠٦، الفرقتين احرزوا نفس عدد الأهداف ١٨، ميسى لم يحرز أى هدف في ٨ مواجهات ضد الفريق اللندنى، وبنسبة كبيرة بيكيه هيحضر الماتش ده من المدرجات بسبب الإصابة اللى لسه مش متحدد هتخليه يغيب قد ايه، بس المفروض أنه يلحق ماتش العودة فى الكامب نو يوم ١٤ مارس.

تشيلسي ٢٠١٨

مستوي تشيلسي بشكل عام الموسم ده مش أحسن حاجة  فى الدنيا خسر ٣ مرات في أخر ١٠ ماتشات لعبهم، من أرسنال، بورنموث وواتفورد، صعد تانى مجموعة بعد روما بالعافية وحاليًا بيحتل المركز الرابع في الدوري الانجليزى.

[caption id="attachment_2161" align="aligncenter" width="1060"]تحليل اداء فريق تشيلسي بالدوري الانجليزي موسم ٢٠١٧/١٨ تحليل اداء فريق تشيلسي بالدوري الانجليزي موسم ٢٠١٧/١٨[/caption]

تشيلسى هيلعب الماتش الأول علي أرضه فده هيكون ليه أثر إيجابى على اللعيبة انهم يكسبوا الماتش، واعتقد كونتى هيلعب بخطة هجومية ودفاع متقدم علشان يحاول يضمن تسجيل هدف في أول ١٥ دقيقة أو علي الأقل الشوط الأول علشان ينفذ الجزء التانى من الخطة وهو تقفيل المنطقة كويس جداً والحفاظ على الشباك نظيفة، كونتى غالبًا هيستخدم خطة ٣-٤-٣ أو ٣-٤-٢-١ علشان يقفل أى منفذ حركة علي لاعيبة برشلونة، وبالتالى ممكن نتوقع التشكيل هيكون كورتوا حارس المرمى، قدامه ازبلكويتا ولويز وكاهيل، وفى نص الملعب موزيز وكانتى وباكايوكو وممكن الونسو أو فابريجاس، وطبعا قدام هازارد و بيدرو و ويليان أو موراتا.

برشلونة ٢٠١٨

مستوى برشلونة الموسم ده فوق المتوقع بحبة حلوين، فالفيردى أخد فريق مكسور برحيل أحد اكبر نجومه، محتاج تعزيز الدفاع وخط النص وحول الفريق ده إلى أول دورى، بلا هزيمة فى٣١ ماتش في الدورى، وصعد أول مجموعة بدون هزيمة في دور المجموعات بدورى الابطال.

[caption id="attachment_2162" align="aligncenter" width="1060"]تحليل اداء فريق برشلونة بالدوري الاسباني موسم ٢٠١٧/١٨ تحليل اداء فريق برشلونة بالدوري الاسباني موسم ٢٠١٧/١٨[/caption]

برشلونة بيحب يلعب برة أرضه الأول ومعندوش مشاكل خالص يخسر كمان لأنه بيتحول لوحش فى الكامب نو، وبيعمل المعجزات زى ما شوفنا الموسم اللى فات قدام باريس العودة التاريخية بـ٦-١ (الزمالكوية ميزعلوش)، لكن فى بعض المشاكل فى ماتش تشيلسى بالأخص لأن نجم الفريق ليونيل ميسى مش عارف يسجل أهداف قدام الفريق العنيد ده، برشلونة خسر ماتش واحد فى كاس الملك قدام اسبانيول واتعادل مرتين فى اخر ١٠مبارايات خاضهم.

بنسبة كبيرة فالفيردى هيبدأ الماتش كالعادة بيحاول يقرا الخصم كويس وبخطة هجومية بحتة، لكن بتأمين دفاعي محترم، و بوجود الوافد الجديد مينا مع اومتيتى - اللى بيخوفوا بيه الصغار زى ما الشوالى قال -  هتكون مهمة الدفاع أقل صعوبة، هيستخدم خطة ٤-٤-٢ أو ٤-٣-٣، تير شتيجين فى حراسة المرمى والبا وروبيرتو الظهرين وقلب الدفاع امتيتى ومينا، فى نص الملعب هيكون أكيد بوسكتس وانيستا وممكن راكيتتش أو باولينيو، أما فى الهجوم طبعا ميسي و سواريز وربنا يستر ماينزلش جوميز، بس ممكن لو ديمبلى مش مصاب يلعب أو هينزل الكاسير مثلا.

مقارنة الاداء

علي حسب الارقام و الاحصائيات علي موقع squawka.com برشلونة الأفضل بكل المقاييس والأرقام، بيدافع احسن، تم التسجيل في مرماه أقل، سجل أهداف أكتر، أكتر استحواذ و تمريرات صحيحة للكرة، ولكن تشيلسى أكتر صناعة للفرص بس برشلونة الأكثر تسجيل.

[caption id="attachment_2164" align="aligncenter" width="500"]مقارنة عامة لاداء الفريقين مقارنة عامة لاداء الفريقين - squawka[/caption]

بشكل عام لو اتفرجنا على مجموع نتائج أداء كل فريق هنلاحظ أن المستوى متقارب مش فرق كبير قوى بس في القدرة علي التسجيل، والقدرة على إحداث الفارق موجودة أكتر عند برشلونة، وده ملاحظ جداً لما نقارن تقيم مستوى أداء اللاعبين فى كل فريق، يعنى مثلا ممكن نقارن هجوم كل فريق على مستوى خلق الفرص والتمريرات وصناعة واحراز الأهداف.

[caption id="attachment_2150" align="aligncenter" width="1060"]اداء تمريرات/فرص الفريقين اداء تمريرات/فرص الفريقين[/caption] [caption id="attachment_2149" align="aligncenter" width="1060"]اداء هجوم الفريقين اداء هجوم الفريقين[/caption]

النهاية أن الكلام فى الملعب مش مهم كل اللى حصل ١٠ سنين أو امبارح و بغض النظر عن كل اللى مكتوب فوق ده، الماتش هيبقي حلو جدا، هنشوف من فالفيردى ماتش مش عادى لان بقالة فترة بيريح في اللاعيبة المهمة زي انيستا على حساب الوافد الجديد كوتينيو  وبيكيه علي حساب مينا، و الناحية التانية كونتى عايز يعمل أى منظر حلو لأنه في البطيخ خالص بقالة فترة و لسة واخد ٤ على عينة من واتفورد.

و ان شاء الله برشلونة هيكسب !!Visca Barca!

 

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments