search

Writer

How do you feel about the article?

اشياء لا تعرفها عن الحاج متولي

- كتبت بسنت عبد الشافي -

الحاج متولي اللي يعتبر "شريف فايد جيل التسعينات واوائل الالفينات" ومحقق ال "life goals" لأغلب الرجالة المصرية. فالدراما اظهرته على انه الراجل الذكي العصامي المليونير الدنجوان اللي بيتجوز تلاته او اربعة لو حسبنا "الفت" ونجح في جوازه وعياله وماشي - بما يرضي الله - ولأ، ده كمان تخطى اعدائه وتغلب على كل الصعوبات وستف الدنيا وعاش في تبات ونبات.

طب ما نيجي نبص للموضوع بشكل تاني...

-الحاج متولي مش عصامي ولانيلة...الحاج متولي اتجوز ارملة ولي نعمته وخد فلوسها شغلها بس هو كان تاجر شاطر الحقيقة.

-الحاج متولي اتجوز زوجته التانية "امينة" علشان "عممها" ماسكين توزيع البضايع وليهم شغل معاه وكانوا بيسهلوله شغله علشان الرشوة وعلشان نسيبهم.

-الحاج متولي في الاصل اتجوز "نعمة الله" علشان محلها وشغلها واستغل انها ارملة ومعاها بنتين وفي السوق لوحدها علشان يضغط عليها تسيب الشغل ويدير المحل وكمان بكل انانية استغل زوجته الاولي علشان تقنعها بانه عادي لما تتفرغ لتربية البنات وتقعد في البيت.

-الحاج متولي اختار انه يستغل ظروف عانس رافضة الجواز علشان خطيبها مات وقرر يتجوزها علشان مأمورة ضرايب وكانت مغلية المبلغ عليه قوي...حتى لما سابها تشتغل شغلها محاسبة لحساب شغله.

-الحاج متولي بعد ما كبر وشاخ، راح يتقدم لواحده من دور ابنه عشان يرضي غروره ويحس انه لسه شباب، ولما عرف انها وابنه بيحبوا بعض بكل انانية وقف الجوازه عشان يجوز ابنه ابن مراته وراح اتجوز صاحبتها بالعند اللي شافته لقطة بالفلوس اللي معاه.

الجدير بالذكر انه كمان حرم ابنه من انه يكمل التعليم الجامعي وشاف انه كفاية عليه الثانوية العامة وتعالى ساعدني في المحلات ونرمي التعليم بقي واللي خلى ابنه يتعلم من وراه..."لا ونعم الابهات".

الشخصية الانانية الوصولية اللي ضحكت على الكل علشان تنفذ رغابتها باسم الحب وهي في الحقيقة مبتحبش الا نفسها...الشخصية اللي بتتحكم في الكل وممنوع سؤالها عن افعالها او محاسبتها عليها واللي شايفة انها دايما الصح ومفيش رأي غير رأيها ما هي الا نسخة من سي السيد بس مودرن حبتين...وللأسف في جيل كامل اتربي علي الفكر ده، ده بيخليني اسأل هي الدراما عايزة مننا ايه؟

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments