search

Writer

How do you feel about the article?

Deadlineشبح الـ

كتبت ميار محب

"متغمضليش" عين إلا لما ازنق نفسى قبل الديدلاين...كلمة "Deadline" بالنسبالى كلمه مخيفه جداً.. عوو كده أو يعنى الصراحه هى كانت كده قبل ما تفقد هيبتها وتتحول لكلمه زيها زى ان عندنا "quiz" اللي مش بيتذاكرله برضه.

حتى شوف الكلمة مش مريحه كده "Dead" جايه من الموت، حاجه فصيله جداً وتقفلك كده، الـ"Deadline" وخاصة لو انت فى كلية كلها "assignments" أو "projects" زى إعلام أو فنون حتكون بتسمع كلمة "Deadline" كل يوم 5 أو 6 مرات لحد ما يجيلك مناعة وتسمع كلمة "الديدلاين بكرة" ويبقى على وشك ابتسامه بلهاء كده وتقول لنفسك "قشطه لسه بدرى".

ودى أول حاجة بيعلمهالك "الديدلاين"، ألا وهى "التناحة" فى أنك تعرف تخلص شغل أسبوع فى يوم ولو انت صايع شويه هتخلصه قبل ما تنزل الجامعة أو الشغل الصبح.

ومع كل مره يبقى عندك "ديدلاين" هتقعد تقول لا المرة دى مش "حزنق" نفسى وتلاقى صوت جواك بيقولك الشغل بيتعمل قبلها بيوم معروفه يعنى.. وتيجى ليلة التسليم تعيط لأنك مشتغلتش من بدرى بس برده المره اللى بعدها حتزنق نفسك تانى.

الموضوع هيتطور معاك ويبقى اسلوب حياة وحتمشى بيه في كل حاجه.. عندك عيد ميلاد أو مناسبة؟ حتجيب الهدية وانت فى الطريق أو قبلها بيوم، عندك "interview" فى مكان مهم؟ هتجهز فى نفس اليوم... عربيتك محتاجة بنزين؟ مستحيل تفولها قبل ما اللمبه تنور، الموبايل حيفصل؟ هتستنى لما يبقى 5%.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments