search

Writer

How do you feel about the article?

طب أنا إيه ؟

- سلمى جلال -

معظمنا على ما اعتقد في/أو كان فى حد فى حياته فى زون "احنا ايه"؟ اللى هو احنا بنحكى لبعض على كل حاجة، بنهتم ببعض جدًا، بنخرج سوا دايمًا، أى حاجة تفرحنا أو تزعلنا بنفكر فى الشخص ده عشان نشاركه اللى حصل.

لو جيت تحط العلاقة دى تحت مسمى اننا "best-friends" بتلاقى انه لا فى"flirtation" بيحصل بيخليك ماتبقاش عارف راسك من رجليك كده، لكن برضو احنا مفيش بينا حاجة، طب احنا ايه؟

واتعرفت المرحلة دى عند معظمنا بـ"فترة الاستهبال"، فى ناس بتتخطى مرحلة الاستهبال ويخلوا الامور واضحة وحد فيهم ياخد خطوة ويقول للتاني إنه بيحبه ونبدأ في مرحلة جديدة بقى، وناس تانية بتتخطى برضه مرحلة الاستهبال عشان لقوا شخص تانى يحبوه ويكملوا معاه لأنك كنت لا تصلح للحب غالبًا و"استهبال-ماتيريال" بس.

الناس الأكثر انتشارا بقى هم اللى يفضلوا مكملين فى فترة الاستهبال دى بالسنين لحد ما يفيض بيك وتروح تسأله طب أنا ايه؟ فيقولك انت حد عزيز عليا اوى مثلا اللى هو "ها وبعدين؟" انا "صاحبتك بس؟ "، حبيبتك"؟، "أقرب حد ليك؟"، انا ايه؟؟

والعينة دى طبعًا لازم نهرب منها فى أسرع وقت أو نعمل وقفة كده نعرف الكلام على ايه، لأنهم بيضيعوا مجهود ووقت ومشاعر وفرص ويفضل محلك سر كده مايخدش أى خطوة لقدام، المهم يعنى بلاش نحط آمال على مجرد "علامات" حاسين بيها مع ان الشخص اللى قدامنا مبيقلش أى حاجة وسايب دماغك توديك وتجيبك وانت بتحاول تتوصل لإجابة السؤال الأزلى "طب انا ايه؟؟".

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments