search

Writer

How do you feel about the article?

وقود البلد

- كتب عمر خالد -

طموح الشباب، اهم حاجة في اي بلد وفي اي زمان، من غيرها تنتهي الاوطان، تختفي البلاد، الطموح ده عامل زي الوقود الي بيحرك "المكنة"، من غير طموح مفيش حركة للأمام ولا حتى للخلف.

هو ليه البلاد المتحضرة، او بلاش المتحضرة، ليه في بلاد بتقدر قيمة الوقود من اول الفحم للبترول للكهرباء لحد البني ادم؟ قبل الإجابة لازم نفهم ان البني ادم وقود، اه والله البني ادم وقود وجداً كمان، هو زمان كان حد يعرف الفيزياء والكيمياء عشان يعمل عجلة ولا موتور؟

احنا طول عمرنا وقود و"مكنة" كمان في نفس الوقت، بنحتاج اساسيات عشان نقدر نشتغل وننتج زي الاكل والشرب والراحة، بس الاساسيات دي لوحدها بتخلينا مجرد "مكن"، احنا مش عايزين نبقي "مكن" بس، احنا عايزين نبقي وقود.

الانسان عشان يتحول من "مكنة" لوقود، لازم يبقي عنده المساحة والادوات والبيئة ويجب ان يدرك قيمة العلم ليس التعليم، الاتقان ليس الوظيفة، واهم من كل دة لازم يعرف قيمة نفسة في المجتمع وقيمة ما يقوم به من عمل مهما كان صغير، بس ده يتحقق ازاي اصلاً واحنا معندناش اي حاجة من الي بتخلي الواحد يبقي منتج...انه يبقي طموح!

الشباب لازم دوره يبقي اكبر بكتير في البلد، الشباب لازم يتم استغلال طموحة والوقود الي جواه احسن من كدة! نتيجة اللي بيحصل في البلد الايام دي مش هينتهي غير بأن الشباب كله هيدور على بلد بتقدر قيمته وبتقدر اهمية الوقود الي جواه.

زمان كان في واحد في كل شارع بيسافر الخليج عشان يعمل قرشين يأمن بيهم مستقبله ومستقبل عيلته، دلوقتي كل عيلة بقي فيها اتنين وتلاتة وكل واحد في بلد شكل وقارة شكل، بيدورو على حد يقدر الطموح والافكار الي جواهم.

الغريب ان المسؤولين في بلاد الوقود عاملين زي عندنا بالظبط، مش عاوزين حاجة تعدي من تحت اديهم...بس الفكرة انهم بردو مدركين معني ان يبقي دايماً في تدفق في الوقود عشان "المكنة" الكبيرة تفضل ماشية، عشان البلد تتحرك لقدام.

الخلاصة اننا عشان نتحرك لقدام لازم نبطل نصدر وقودنا خام ونحول طموح الشباب لمشاريع ومباني وكباري وشركات، بدل ما الوقود يتحرق جواهم ويموتهم، او يهربوا لبلاد تقدرهم اكتر من وطنهم.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments