search

Writer

Tags

How do you feel about the article?

الأشخاص الجميلون لا يأتون من لا شيئ

كتبت - بسنت عبد الشافى

صدمة عمرى .. أنا مش عارف ارجع زى ما كنت.. أنا مش عارفة انسى!

"طب هعرف انسى؟"، "هقدر فعلا اتجاوز المشكلة دى وأكمل حياتى طبيعى؟"، "طب هما حاسين بأيه دلوقتى؟"، "نعدى من الصدمة دى ازاى"؟

في الحقيقة جاوبت على الاسئلة دي "اليزابيث كلوبلر" طبيبة النفس فى كتاب ليها سمته on death and dying وصفت فيه مراحل الألم وصنفتهم لـ5 مراحل:

المرحلة الأولى اللى هى: " انتوا اكيد بتهزروا صح؟!"  واللي سمتها "الانكار"، ودي بتبقي في البدايات خالص وبتبقي في شكل رد فعل فبنسمع حاجات زي "لا أكيد ده مقلب"، "لا منفصلناش هو بس زعلان"، "هروح الاقيه موجود"، وطبعا "متكبروش الموضوع كل حاجة تمام".

بالنسبة للمرحلة الثانية، واللى بتكون مليانة طاقة كبيرة بتتحول في اغلب الأحيان لغضب مشحونة ضد الظروف او القدر او اشخاص بعينهم موجودين معانا وساعات ضد النفس، بنبتدي نسمع كلام زي "ليه يا رب كدا؟" او "اشمعنا انا؟" او "انا السبب".

بعد الغضب ما بيخلص بتيجي مرحلة "اعمل ايه بس ده ميحصلش؟" اللى هي مرحلة المساومة، وبيبقى الانسان عنده استعداد انه يعمل اي حاجة مقابل انه يوقف الألم زي "ارجع وانا هسمع الكلام" و "يلا نجرب علاج جديد".

بس للأسف بيكتشف الانسان ان مفيش فايدة فبتيجي مرحلة الاكتئاب وبتكون في شكل موجة كبيرة من الحزن والمرارة ويكون الألم واقع لا محالة، بيبتدي ينسحب بهدوء بعد ما بيكون حس انه خسر المعركة وبعد ما كل حاجة في عينه بيبقى ملهاش طعم وبيستسلم لمصيره.

تيجي هنا مرحلة "عليه العوض" واللي هي التقبل فيرضى الانسان بواقعه ويستسلم ليه بهدوء ويتعايش معاه وتنتهي كل الثورة اللي كانت جواه.

طيب ده شعورنا وإحساسنا لما بنتعرض للألم ياترى بعد المراحل دي هعرف أنسى وارجع زي ما كنت؟

جاوبت برده اليزابيث كوبلر وقالت لأ..الألم اللي بنواجهه في حياتنا مبنقدرش نتجاوزه او ننحيه جانبا ونكمل، بس نقدر نتعايش معاه ونتعلم منه علشان كدا قالت جملة في منتهى الخطورة "تعلم ان تتواصل مع الصمت في داخلك".

مع كل ألم بنحس بيه بننضج وبنتغير وبنبني نفسنا من جديد حول محور الرحيل اللي عانينا منه وبنكمل بس مبننساش ومبنرجعش زي ما كنا ومفيش حاجة بتترمي ورا ضهرنا وفي الحقيقة مفيش داعي ابدا اننا نتمنى ده لأن في الاخر كل التجارب اللي بنمر بيها هي اللي بتخلينا "احنا"، بشخصيتنا وتفكيرنا وأسلوبنا وهي اللي بتساعدنا نلاقي الناس الصح في حياتنا ونكمل معاهم.

عشان كدا قالت اليزابيث كوبلر في كتابها "الأشخاص الأجمل من بين الذين قابلتهم هم أولئك الذين عرفوا الهزيمة والكفاح والعذاب والخسارة، ووجدوا طريقتهم الخاصة للخروج من الأعماق السحيقة. هؤلاء الأشخاص لهم رؤيتهم وحساسيتهم وفهمهم للحياة. يملؤهم التعاطف والتواضع والبساطة، والقلق المحب العميق. الأشخاص الجميلون لا يأتون من لا شىء."

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments