search

Writer

Tags

How do you feel about the article?

ممثل اتجوز ممثلة عادي ياجماعة

كتبت رنين أحمد

تتابعاً لأفعال دعاة التدين الوسطي الجميل ، صحينا كلنا على خبر زواج الداعية الإسلامي " معز مسعود " من الفنانة " شيري عادل" .!

واللي كان لسة منفصل عن زوجته المرشدة السياحية "بسنت نور الدين " بعد زواج استمر 6 شهور بعد قصة حب كبيرة واللي عشانها طلق زوجته الأولى لرفضها إنها تكون زوجة تانية!

حوار إن ممثلة تتجوز من داعية اسلامي مش غريب خالص وحصلت كتير وربنا هداهم واتحجبوا فيما بعد ، بس الغريبة إن يحصل العكس ونلاقي الداعية هو اللي دخل الوسط الفني وانخرط فيه ! ، وده اللي صرحت بيه الفنانة "شيري " لما أعلنت زواجهم وقالت إنهم متزوجين من فترة بعد مسلسل "السهام المارقة" واللي أنتجه "معز مسعود" وشارك فيه وقالت كمان إنهم بيستعدوا للجزء التاني.

بس لو ركزنا شوية هنلاقي إن الحوار عادي جداً ، ماهو ممثل إتجوز ممثلة فعلاً ، معروفة جداً إن كل الداعية الجداد مُدعين الدين الوسطي الكيوت دول كلهم عايشين على التمثيل والرياء ، حافظين شوية كلام وبيدخلوا يقولوه قدام الشاشة ، كل كلمة بيقولوها وعاوزين يقنعوا بيها الناس هما أصلاً مبيعملوش بيها ، كل همهم الشهرة والفلوس زي ماشركات الإنتاج همها الربح ، فبيعرفوا يدخلوا للشباب إزاي تحت بند " الإسلام دين وسط" ويمشوها بالكيوتنس والرومانسيات والمحن بالضمة ! وللأسف قدروا يخدعوا شباب كتير واقع عاوز يتعلق بقشاية تقربه من ربنا .

بس ناس زي دول ميعرفوش حاجة عن الوسطية ؛الوسطية اللي الشيخ " الشعراوي " رحمه الله فضل طول عمره يعلمهالنا ، ولا الزهد ؛ زهد الدنيا ولا بيفكروا في اللي عند ربنا ، ميعرفوش حاجة عن شر فتنة النساء ، بجد إحنا غرزنا الوحل ربنا ينور بصيرتنا ويتولانا برحمته.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments