search

تراب الماس

- كتبت رنين أحمد -

مفيش إختلاف على روايات وكتابات "أحمد مراد" واللي كل مرة بيبهرنا بروعة أسلوبه وغموضة ونهايات رواياته الغير متوقعة ، وفي منها اللي اتحولت لأفلام زي "الفيل الأزرق" .

وكانت من أنجح رواياته "رواية تراب الماس" ، واللي صدرت سنة 2010 وحققت عدد مبيعات كبير ، فقرر الفنان "أحمد حلمي" إنه يقوم بدور البطولة وينتج الفيلم من خلال شركة الإنتاج الخاصة بيه "شادوز" بس للأسف الحوار إتأجل أكتر من مرة وفضل متعلق لمدة خمس سنين ووصل للمحاكم وبعد مشاكل استمرت فترة كبيرة ، حكمت المحكمة لأحمد مراد وقرر يكتب السيناريو بنفسه واختار المخرج مروان حامد.

قصة الفيلم بتدور حوالين شاب بيشتغل مندوب في شركة أدوية وكان عايش حياة بسيطة روتينية بين شغله وقعدته على القهوة مع صاحبه وسهره مع باباه المصاب بالشلل ، لغاية مابيجي المجرم اللي بيكسر لهم كل الروتين ده وبعدين بتحصل الإشتباكات بينهم وبيقتل باباه انتقاماً منه ، ويبتدي يتعاون مع ظابط عشان يوصلوا لدليل ضد القاتل ، وبعدين يبدأ يدخل في جزيرة أسرار بعد مايقرأ مذكرات باباه واستخدامه لتراب الماس بتحول حياته لدايرة صدمات من الأفعال اللي كان بيعملها باباه .

وصرح الكاتب "أحمد مراد" إن بعد مرور 8 سنين علر إصدار الرواية هيكون في تغيير في أحداث الرواية عشان تناسب الأوضاع اللي بنعيشها وعشان التغيير يساعد علي نجاح الفيلم ، بس الفكرة الرئيسية للفيلم مش هيحصلها أي تغيير.

وكان من المقرر إن الفيلم يتعرض في عيد الفطر بس إتأجل لعيد الأضحي ، وبالفعل انتهي تصوير الفيلم وبعد عرض أول برومو للفيلم فمن الواضح إنه هيكون من أنضف وأنجح الأفلام في السينما ، ومن أكبر الأسباب اللي هتساعد في نجاح الفيلم هما فريق العمل ، وده لأن أبطال الفيلم كلهم مافيش إختلاف عليهم زي "أسر ياسين " و"منة شلبي" واللي كانوا couple جميل جداً في فيلم "بيبو وبشير " ومعاهم "ماجد الكدواني" و"محمد ممدوح" و"إياد نصار" و "عزت العلايلي" و"شيرين رضا" وغيرهم كتير.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments