search

Writer

How do you feel about the article?

٦مهارات ريادية حتتعلمها من التقديم على الوظايف

- كتبت شادن خليل -

ألف مبروك!! كفارة يا عمهم.. ياااااه.. أخيرًا خلصت امتحانات وكتبت على الفيسبوك Finally graduated!!! Officially unemployed وفرحت بالنتيجة، ربنا يعينك في المرحلة الجديدة اللي أنتَ داخل عليها، تبدأ بقى يا بطل تبعت الCV وال cover letter لحد ما حد يكلمك عشان shortlisted وحتدخل على مرحلة مقابلة الوحش والجد، وساعتها شعارك بيكون "لو قبلتونى، يبقى كسبتوا فنان، لو رفضتونى، عادى مش أول مرة اترفض". افتكر في الأخر أن الرزق بتاع ربنا، والمهم أنك تبص على نص الكوباية المليان وتشوف حتستفاد أيه من مهارات شخصية.

١. ابنِ شبكة علاقات من الكفاءة

لما يكون عندك شركة، أعرف قدرات الناس كويس، وسيب انطباع كويس عن الشركة. الكلام بيتنقل من شخص لشخص بشكل فعال ومؤثر جدًا، ودة حيسيب انطباع كويس عند عدد ناس كبير. لما بيلاقوا شخص مقدم للشغل موهوب بيدوا له feedback  يقدر يطور به نفسه وينمي قدراته، وحتى لو ما اتقبلش يقدروا يكسبوه ويضموه لهم لما يتوسعوا أويحتاجوا ناس أكتر في وظيفة معينة. أنت كمان حتى لو حتشتغل لوحدك في وظيفة عادية، حاول تستفيد من خبرات الناس اللي حابة تساعدك، وابن شبكة علاقات مع ناس في مختلف المجالات عشان حتحتاجهم في مشاريع أويساعدوك في شغل، وأنت كمان ساعدهم وأديهم نصيحة وخليك فاكر أنت كنت محتاج مساعدة إزاي في الأول.

٢. الاحترافية مش بالكلام

ما تستعرضش قدراتك، وتهين اللي قدامك، وتقلل منه لو مش عارف حاجة معينة بتسأله فيها أوحاجة ما عملهاش بشكل دقيق في المقابلة بنوع من الاختبار للوظيفة كإنك عالم ذرة حتى لو كان اللي عمله غلط، ما تخليش غرورك يسيطر عليك، تمسك له التفاهات، وتتنطط عليه. خليك فاكر أن المقابلة بتكون فيها ضغط ونوع من الارتباك. الاحترافية حاجة تتشاف من جودة الشغل، وتواضع أكبر واحد في الشركة أننا مش حنبطل نتعلم ونطلع بعدين شغل هايل حتخلي الناس تقدرك وتحترمك وتقف جنبك أحسن ألف مرة من لما تقول أنا محترف بس ممكن يتضح أن الشغل غير اللي أنت مشهور به، أوحتى غرورك يخليك تهدم الفريق ووقعتك تكون خسارة كبيرة.

٣. أنتَ تاني

الوظيفة اللي تلاقي فيه إعلان عليها كل مدة قد شهر لثلاث شهور. غالبًا ما حتلاقي فيها مشكلة سواء الناس ما عمرتش فيها وساعتها بيكون فيه عيب في الشركة سواء من طرد الموظفين بعد فترة أوممكن ما ارتاحوش في الشغلة ومشيوا، أوما بيقبضوش كل فترة، أوبيئة العمل مش مناسبة تمامًا.

٤. توسع لما تكون جاهز

التوسع أكيد مطلوب بس لازم تبقى قادر تستحمل التوسع دة واللي حيتطلبه منك  من فلوس ومجهود.

٥. ما تستهينش بالتسويق الشخصي

لما تتقبل في كذا مكان، يبقى مبروك أنتَ قدراتك كويسة وشايفين فيك حاجة مميزة. بس كل دة ممكن يبوظ أول ما تتكلم أوتقلل من قدراتك من غير ما تقصد بغباء شديد بدل ما تظهر نقط القوة في نفس القدرات دي وغيرها. الناس بتصدق كلامك لأنهم في الأول وفي الأخر مش عارفينك. رغم أن قدراتك هايلة، ممكن تهد كل دة بكلمة من غير قصد. يعني لو قلت لهم "يا سلام عليا، دة أنا مدهش في الحتة دي" أو "عملت مشروع قبل كدة، أنا متأكد أنه حيعجبك قوي لما تشوفه" وتقول قدراتك اللي طلعتها فيه.

٦. حدد أولوياتك

أعرف رئيس الشغل من كلامك معاه في المقابلة. لو منظم وعارف أولوياته والشركة محتاجة أيه بالظبط يبقى هايل، لكن مش تلاقي فيه ضرورة وبديهيات لازم تتنفذ وهو منفض لها في المرحلة دي من تطور الشركة يعني ما ينفعش تبقى الشركة مبنية على application للموبايل وما تبقاش اتنفذت تمامًا، فتستهلك وقت أكتر لأن دة احتياج. برضه، ما ينفعش تبقى متطلبات الوظيفة غير محددة ومرنة أن ممكن أي حاجة جديدة تيجي مكان اللي المفروض تعمله، أويخليك تشتغل شغلة تانية خالص. يتعمل لك shortlist ويبقى ما عداش عليه ال CV. المهم تفكر بذكاء وإزاي تستخدم الموارد صح وتوفر خصوصًا لو كانت شركة ناشئة.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments