search

Writer

Tags

How do you feel about the article?

"مزاجنا زي المرجيحة "يوم تحت و يوم فوق

كتب-محمد ممدوح لو أنت في المرحلة العمرية من18-25 سنة فإعرف إنك واقع في دوامة نفسية و أكتر فئة معرضة للإكتئاب لأسباب كتيرة جداً ، وليكن من أبرز الأسباب دي روتين الحياة ! مثلاً أنت كشاب جامعي هتاخد وقت على ما تتعود على ضغطة اليوم الدراسي و تتقبل فكرة الضغط النفسي و العصبي و روتين الصحيان البدري .

و أول ما الأجازة تيجي هتحس بزهوة الأجازة دي في أول أسبوعين بالكتير أوي و بعد كدة تدخل في دوامة تانية و هي دوامة القعدة في البيت و طبعاً كالعادة انعدام فرص الشغل أو التدريب الصيفي ، فهتبقى بتقضي حياتك الدراسية في منحدر للأذى النفسي و الحالة من سئ لأسوأ، إنما لو مخلص دراستك فأنت هتدخل في دايرة تانية و هي يا إما هتدخل الجيش و تخرج تتطحن في واقع الحياة أو تتشتت بين إنك تحقق ذاتك و تبني مستقبلك و بين إنك تبدأ حياتك مع الشريك اللب هيكمل معاك لآخر العمر ، بس وسط ده كله المتضرر الوحيد هو نفسيتنا أو بمعنى أصح مزاجنا ، إحنا بقينا بطبعنا بنتعصب و نتخنق على حاجات تافهة و في نفس الوقت نفرح و ننبسط على حاجات بسيطة جداً ، ممكن كلمة من حد بتعزه أو هدية صغيرة من شخص قريب منك ، و وسط عتمة و روتين الحياة ده بنحتاج شويه ترفيه لنفسيتنا عن طريق إننا نغير من الروتين ده شويه ممكن بقراية رواية أو إنك تروح مكان بترتاح فيه و تقعد حتى لو لوحدك .

هو كل ده مجرد فترات ، فترة بنبقى ماشيين نوزع سعادة على الناس و الفرحة مش سايعانا حتى لو من غير سبب ، و فترة تاني بنشاكل أي حد معدي قدامنا ، ده كله مش مؤشر إنك ضعيف أو قوي و ملوش علاقة بإرادتك النفسية ، بس هي فترات لابد منها عشان مش هتعيش حياتك كلها فرحان و على النقيض مش هتتدفن نفسك بالحياة ! بس اللي تقدر عليه و اللي في إيدك هو إنك تتدارك كل الفترات الصعبة و تعدي من فتور الرضى النفسي اللي عندك ، و بقدر المستطاع تحاول تمسك في أي فترة أنت فيها فرحان أو على الأقل نفسيتك مرضية شوية ، بس اللي لازم نكون شايفينه رقم واحد في حياتنا إنها مجرد فترات.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments