search

Writer

How do you feel about the article?

معرفة الناس كنوز

كتبه : محمد عصام

"معرفة الناس كنوز" أو زى ما جدي - الله يرحمه - قالي " خُدلك من كل بلد صاحب و متخُدلكش من كل بلد عدو " .. فعلاً الأيام هتلف و هتدور و هتحتاج لكل واحد دخل حياتك حتى لو دقيقة ، ربنا له حكمة فى إنك تتعامل مع ده و مع دي و إن يبقى عندك حد قريب ليك غير حد تانى مع إن التاني ممكن يبقى أحسن ليك لو هو اللى أقرب ، من الأخر ربنا له حكمة و في سبب حتى للناس اللي بتشوف وشها مرة واحد طول العمر و تفضل فاكرهم طول حياتك . إحنا دلوقتى مش مستوعبين فكرة إن البنى آدم مبيتبقاش منه غير سيرة ، هو الحقيقة مش هنستنى نموت علشان نتأكد من الكلام ده ! هو فعلاً إحنا عبارة عن سيرة بس مش شرط لما نتوفى يعني ، بنصاحب ناس كتير و بنتعرف على ناس أكتر و اللي هيتقال و أنت مش موجود هي سيرتك . سيرتك دي هي اللي هتخلي الناس تحبك و فعلاً يبقى عندك في كل مكان صاحب مش عدو . اعمل دايماً حساب إن هيجي يوم و هتروح مكان أنت متعرفش فيه غير شخص بس جمعك بيه موقف واحد قبل كدة ، و أنت دلوقتي محتاجله أوووى ، فلو مكانتش سيرتك كويسة و مكسبتوش كصديق مش هيساعدك و بقى عدوك لأن سيرتك مش كويسة . مش قصدي إنك تتعامل مع الناس بهدف المصلحة على قد ما عايز أبين ليك قد إيه سيرتك هتفرق مع الناس و إن الكنز الحقيقى مش في المصلحة إنما فى حب الناس و قربهم منك . كل شخص موجود في حياتك له سبب ، هتتعلم منه حاجة حتى لو بسيطة ، و إفتكر إن غصب عني و عنك هيجى اليوم اللي مش هيتبقى فيه غير سيرتنا فنحاول نحسنها من بدري.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments