search

Writer

Tags

How do you feel about the article?

مية مية كانت هتفرق ف الوداع

كتبت إيمان حسين

لو كنت عارف إن هي دي المرة الأخيرة ..ةمية مية كانت هتفرق في الوداع.. ناس كتير بينيموا غيرهم زعلانين ومهمومين وشايلين منهم ، ومايعرفوش إن الشخص ده اللى كان معاك النهارده ممكن فى لحظة مايبقاش موجود جنبك ، محدش ضامن عمره محدش عارف فاضل ف العمر قد إيه عشان نضيعه في الزعل من بعض ، أو إن حتى ممكن الناس دى تقرر فجأة إنهم يستغنوا عنك من كتر ما بيتحملوا فوق طاقتهم ، كل واحد فيه اللى مكفيه وزيادة فمتجيش أنت وتزود عليه كمان..

فى الآخر بنندم ! بنندم على لحظة الحزن اللى عايشناهم فيها ، بنندم عالوقت اللي ضايعناه في البعد عنهم ، بس للأسف بيكون ساعتها الوقت اتأخر ، المشكلة فعلاً إننا مش بنحس بقيمة الشخص غير لما يبعد عننا ، أو يختفى من حياتنا ، بنحس ساعتها قد إيه كان وجوده فارق فى حياتنا ، بنحس ساعتها قد إيه إحنا قصرنا فى حقه ، ولو راجعنا نفسنا بس لحظة عمرنا ما كنا هنفكر نبعد لأى ظرف ، ولا نضايق الشخص ده ، وبنتمنى لو الشخص ده لسه موجود فى حياتنا أو فى الحياة عموماً ، لو كنا بس ساعتها عارفين إن دى المرة الأخيرة اللى هنشوف الشخص ده فيها كانت هتفرق ف الوداع فعلاً..

لو زعلان من حد روح اتكلم معاه واتصالحوا ، لو فى قلبك حاجة حلوة لحد روح قوله ، إحنا ليه مابنعبرش عن مشاعرنا الحقيقية ، ليه مابنطلعش الحب اللى جوانا للأشخاص دى غير بعد ما الوقت يفوت ، ليه بنصعبها على نفسنا أوي كده ، محدش ضامن إيه هيجرى لينا بكرة ، محدش عارفه امتى هتيجى لحظة الوداع الحقيقية ، مفيش مركب هتقدر بالعمر ترجعنا..

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments