search

Writer

How do you feel about the article?

٣ عائلات كارتونية كسرت المنطق

كتبت: شادن خليل

مين فينا لما كان صغير ما كانش بيحب الكارتون؟ وحتى، وإحنا كبار لسة بنحبه. بتبقى في الغالب عيلة الشخصية من نفس الفصيلة لو حيوانات، لكن فيه كام كارتون حبيناهم وإحنا صغيرين وإحنا كبار رغم أنهم فصائلهم مختلفة تمامًا عن بعض.

١. جامبول (GumBall)

دي أكتر عيلة فيها  فصائل حيوانات غير متعلقة ببعض يعني الأب والبنت أرانب، بس الأم وجام بول قطط، وداروين سمكة. اللذيذ في الموضوع أن جامبول أخد الغباء والتفاهة من باباه، إنما أخته ذكية جدًا وواخدة الذكاء من مامتهم وبتحب العلوم جدًا، ودي حاجة وراثية رابطاهم ببعض.

نيجي بقى لداروين (السمكة السحرية التابعة لجامبول في كل حاجة) اللي بدأ الرابط ما بينهم لما كان جام بول عنده سنتين، واكتشف أن داروين بيقلد حركته بالظبط، وبياخد من طباعه، وبعد مرور أيام اتكلم معاه. رجلين داروين يعتبروا عاديين، خليك لذيذ وافتكر أنه كارتون، بنوع من الmutation  بعد ما افتكروا داروين مات، اترمى في التواليت، وانتهى به الحال في الصحراء، قدر يتنفس من غير ما يكون في المية، وطلعت له رجلين، وطلعت له قدرات كتير تانية عشان يوصل لجامبول.

٢. جريمي وماما الوزة (Mother Goose and Grimm)

المفاجأة أن جريمي دة كلب، وزي ما هو واضح أن الأم وزة، وشخصيتها وصفاتها مختلفة تمامًا عنه، ودة بيخلي فيه مواقف كوميدية كتير ما بينهم.  بس الحاجة الحلوة أن جريمي كلب شقي، ولذيذ، وبيكون معارض اللي بتقول له عليه ماما الوزة تمامًا زي الأطفال. بصراحة الكارتون بيضحك، وتبقى عايز تعرف حيعمل أيه في الأخر. كان زمان بيتعرض على القناة الثامنة قناة أسوان في التليفزيون المصري. كمان فيه كوميكس كتيرة أجنبية عن Mother Goose and Grimm

٣. بوجي وطمطم

مش محتاجين نتكلم عنه كتير لأنه هو المسلسل الأطفالي المفضل لجيل الثمانينات والتسعينات أيام شرايط الفيديو وتسجيل الحلقة. أبطاله الرئيسين هم القرد بوجي وأختيه طمطم وطماطم الأرنبتين. عرائس الماريونيت من تصميم الراحل رحمي، اللي قام بتأليف المسلسل بأجزاءه المختلفة.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments