search

Writer

How do you feel about the article?

٧ فقرات مبتذلة في كل الافراح المصرية

كتب ياسر ابوريه

ده معناه أنك عديت بحاجات "تشل" كتير اوي غيرك مشفهاش. حاجات زي الفالنتين المصري الجميل بتعنا، أمك اليي تسألك وانت نايم "انت نايم ولا لا؟"، وطبعا مينفعش ننسي الخليل كوميدي اليي "بيعاقبنا" بدمة الخفيف كل شوية. بس فوق كل دول في حبة حاجات كدة في قمة الابتذال احنا بنشوفها في كل فرح بنروحو ولسبب ما محدش ممكن يفهموا بنعد نتريق على الحاجات دي وفي الاخر احنا نفسنا بنعملها في فرحنا كنوع من أنواع "الحشو" (انا included). أيا كان، دول سبع حاجات مبتذلة بتحصل في الافراح المصرية.

الاغاني....   

يعني هل هو طبيعي أنى ادفع ل"DJ" بالهبل عشان في الاخر ييجي يشغل نفس المزيكة اليي في الفرح اليي جمبي؟ انا اكتشفت ان افيد حاجة تجيب اخوك الصغير وتديلو أرخص لابتوب "لينوفو" فيكي يا مصر وخلية يشغل الاغاني دي بالشكل دا: مزيكة فيلم "Gladiator" في دخلة العرسان للقاعة، صدقني خلاص لعمروا دياب عشان ال"first dance" او لو انت مثقف ممكن "everything" بتاعت "Michael Buble"، جوايا ليك بتاعة اليسا عشان ال"second dance" اليي كله مبيصدق ينط فيها، الشعبي طبعا عندك "اديك في الأرض تفحر"،"الدنيا زي المرجيحة"، "ارمي الشبكبك" + معظم أغاني حكيم واقعد اتفرج على شباب دكاترة ومهندسين زي الورد يرقصوا زي سواقين الأتوبيسات، ممكن تكسر الشعبي بحبة house او اغنية "يا ناس" بتاعة محمود العسيلي، تسلم الايادي في الاخر لو انت م****.

فقرة ارقصي يا تيتة

بصوا هي حاجة بصراحة cute وفي حبة جدود روحهم حلوة بس المشكلة ان لما السن ده بيخش يرقص الناس اللي مستمتعة بالمزيكة بتفضل مركزة عليهم خايفين الbase يجبلهم سكتة قلبية ولا حد يدوس علي رجلهم يجيلهم كسر في الحوض. يا جدو عيب عليك في السن ده يطلع منك كل ده! (خلي اخوك يشغلها بردك).

اكلني التورتة يا عاطف

لما تتخرج من الجامعة لازم قبل ما تودي البتاعة اللي علي راسك الناحية الشمال تاخد الشهادة من العميد، طيب ليه لازم قبل ما نودي الدبل لأيدينا الشمال نطفح بعض زي "المشاليل" قدام الناس؟ وبعدين ليه أصلا نجيب تورتة 18 دور أصلا محدش بياكلها في الاخر عشان طعمها بيكون سفنج؟

الفوتو-كليب

أساسا أساسا أساسا.....اساسا مره كمان مفيش حاجة اسمها فوتو-كليب بس نفس ال"DJ" الي قابض بيقول عليه كده (اسمة "Photo Slideshow"). بس مش دي المشكلة، المشكلة الأساسية ان ليه انا اضيع وقتي واتفرج على صورك انت والمدام أيام ما كنتوا "وراور" وممكن اشوفها على الفيسبوك وخلاص؟

تصبيحه أصدقاء العريس

انا مش حشرح اكتر من كده عشان عيب احنا علي الهوا بس اليي انا مش فاهموا بقي هو اية اليي بيمتع اصدقائك الأمناء وهما بي........انا شخصيا زمان وانا طفل كنت بفتكر انها حاجة حلوة ان أصحاب العريس بيتعبوا نفسهم ويشيلوه ويرموه في الهوا لحد ما طفولتي اتمسح بكرمتها الأرض وعرفت ان العريس اليي بيتعب مش هما.

بعتي ابنك بكام يا حجة؟

شيء عادي جدا أنك تلاقي بنات رايحين فرح ضاربين وشهم ورنيش ولابسين الحتة اليي على الحبل عشان فاكرين اننا لسه في عصر رشدي اباظة بتاع "بابا البت دي عجباني متشوف ابوها فين وكلمة". اللي مش عادي ان الحجة تقعد نص الفرح بترقص مع ابنها اللي لسه متخرج عشان تمشيلو "سوقه" هو كمان كأننا في مشهد من فيلم "لحم رخيص".

البوكيه المقدس

لازم كلنا نستني العروسة المبجلة وهي فاكره نفسها "بيونسيه" في كليب "All the single ladies" ربع ساعة وبعدين في الاخر تحطم أحلام العوانس وتنزل تديه لأعز صاحبتها او بنت خالتها المخطوبة. كفاية ابوس رجلك!

طبعا زي ما قلت في الأول، كلنا "حنتلط" في نفس الكلام عشان هي دي الدنيا في بلدنا بس في حاجة واحدة حلوة في وسط الكلام ده الاً وهي الرقاصة اللي بتسهل على كل راجل فينا تلك المشقة. مبروك وعقبال ولادك.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments