search

Writer

How do you feel about the article?

عدسة كاميرا

كتب محمد عصام

لو راجعت كل صورك كويس هتلاقى إن شكلك فى كل صورة تقريباً مختلف عن شكلك فى الصورة التانية بس طبعا بفروق طفيفة جداً ، نفس الشخص هو هو اللى بيتصور و مع ذلك الصورة بتبقى مختلفة !

Image result for camera lens eyes

الصورة بتختلف بحسب دقة عدسة الكاميرا اللى بتصورك يعنى صورتك بكاميرا بروفيشنال أحلى مليون مرة من صورتك بكاميرا دقتها 2 ميجا بكسل .

كل عدسة بتطلعك بشكل لكن الأهم عدسة الناس ، الأهم عيونهم شيفاك إزاى ؟ طالما فى فرق بين عدسات الكاميرا أكيد هيبقى فى فرق بين عيون الناس و بصتهم ليك ،  في منهم اللي بيشوفك محترم و إبن ناس و اللي بيشوفك قليل الادب ، و كل واحد ليك عنده صورة غير صورتك عند التانى .

مهمتك فى الحياة إنك توحد صورتك في عيون الناس كلها ميبقاش حد شايفك بصورة حلوة و التانى بصورة زى الزفت !

أمك و أبوك دايما واخدين فيك مقلب و فاكرين إنك الملاك اللي نازلهم من السما لكن أنت جوا نفسك مش كدة و الدليل لما بتعمل حاجة غلط و أبوك يقول لأ ده ميعملش كدة ساعتها بتحس قد إيه أنت حقير لأنه كان شايفك راجل .

صورتنا لازم تبقى حلوة عند الناس كلها و ندارى عيوبنا على قد م نقدر .Image result for camera lens eyes

حاول تخلى عيون الناس كلها كاميرا بروفيشنال و أنت د الموديل اللى الكاميرات بتتلاهف عليه . الموضوع مش صعب لو احترمت نفسك و احترمت اللى حوليك متشتمش قدام أى حد أو تقل أدبك على الفاضي و المليان و أنتِ تصونى نفسك حتى فى ضحكتك فى مكان عام لأن عيون الناس مبقتش نفس الكاميرا البروفيشنال بتاعت زمان ،  لأ دى بقيت كاميرا أبيض و أسود بتستنالك أى غلطة ! ممكن تبقى أنت من جواك كويس بس الناس شيفاك غير كدة و ممكن تبقى معفن و الناس شيفاك كويس و دى بترجع لعدسة كل واحد ، و الكلام ده اللى جيه منه إن  " القرد فى عين أمه غزال " .

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments