search

Writer

Tags

How do you feel about the article?

اقْتربَ للنَّاس ِحِسابُهم وهُم فِي غَفلَةٍ مُّعرِضُون

كتبت سيرين أحمد

من أكتر الحاجات اللي بقيت ملاحظاها الفترة ديه كمية اللامبالاة الرهيبة من الناس في أمور الدين وانشغالهم بالدنيا على الرغم إن الهدف من وجودنا علة الأرض إننا نعبد ربنا ونعمل اللي أمرنا بيه ونبعد عن اللي نهانا عنه ، بس هو إحنا بنعمل بالكلام ده ؟ سؤال لازم نسأله لنفسنا دايماً .. أنا عملت إيه  لربنا ؟ عملت إيه لآخرتي؟ وعملت إيه  في دنيتي؟ هل عبدت ربنا ومشيت بالتعاليم الربانية ولا انشغلت بالدنيا وأمورها الفانية ؟

 الدنيا تلاهي وكلنا عارفين ده بس منخليش الدنيا تلهينا عن ذكر الله وعبادته ، أهم حاجة في حياتنا إيه هي ؟ السؤال ده لو اتسأل على الفيسبوك مثلاً هنلاقي معظم الإجابات هتكون حاجة من الحاجات ديه " الفلوس، الصحة،  الصحاب، الأحلام ،الأهل ....... وهكذا " ولو ركزنا هنلاقي إن كل ده فاني لأن " كل من عليها فان" طيب إيه الإجابة  الأصح للسؤال ده ؟

-(الصلاة) ، لأنها أول حاجة هنتحاسب عليها ؛ صلاتنا هي أهم حاجة ف الحياة هي اللي بنتقرب بيها لله عزَّ وجل هي اللي فيها بنلاقي السكينة والهدوء والراحة وهي اللي بنهرب ليها من عبء الدنيا .

بس ياترى كل الناس بتصلي ! كل الناس بتلجأ للصلاة ! كل الناس بتهتم بالصلاة زي ما بتهتم بالأمور الدنيوية ؟ للأسف لا إحنا في غفلة كبيرة ولما نفوق منها هيكون الآوان فات ، مش كل الولاد بيروحوا يصلوا في المسجد ولا كلهم بيواظبوا أو منتظمين في الصلاة ويمكن في كتير مبيصلوش اساسا ولا بيركعوها وطبعاً الحال نفسه بالنسبة للبنات اللي بقى كل اهتمامها الحب ، الدلع ، الخروجات ، الميك آب واللبس اللي مبقاش لبس "إلا من رحم ربي" .

الكل في غفلة ولو نصحت حد يقولك ياعم ما كل الناس كدة أنت جيت عليا فعلاً كله كدا بس ليه مبدأش بنفسي هو أنا لما هغير من نفسي هتغير عشان الناس تقول ده بقى كويس ومحترم ولا هتغير لنفسي ولربي ولآخرتي ؟ كل واحد فينا هيتحاسب لوحده هو لما ربنا يسألني أنت عملت كدة ليه هقول معلش ياربي أصل الناس كلها كانت بتعمل كدة؟  لا يا جماعة ربنا قال في كتابه الكريم " كل امرؤ بما كسب رهين "، الخلاصة كلنا بنغلط وكلنا عندنا ذنوب ولكن خير الخطائين التوابين فاسألوا الله توبة لا ذنب بعدها أبداً .

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments