search

Writer

Tags

How do you feel about the article?

إحنا آسفين ياصلاح

كتبت رنين أحمد

انتشرت أخبار الكام يوم اللي فاتوا بتقول إن صلاح قرر يعتزل دولياً ،و ده لو حصل فعلاً ، فعلى قد ماهو شئ في قمة الحزن بس هو ده الصح وحقه جداً بعد كل الإحباط والاستغلال اللي اتعرضله من المنتخب . الاستغلال اللي بيتعرضله صلاح للمرة المليون واللي آخره كان فضيحة إتحاد الكرة لما وافقوا علي عرض المعسكر المجاني من رئيس الشيشيان على الرغم من إنهم قابضين من الفيفا مليون و800 ألف دولار بدلات المعسكر ، ومراعوش بُعد المسافة عن الملاعب ولا راعوا الإرهاق الجسدي اللي بيحصل لل لعيبة في السفر ، بس كله يهون عشان المصلحة ، و للأسف استغلوا اسم صلاح ودخلوه في ملابسات سياسية من غير ماياخد باله عشان خاطر الفلوس ،وطبعاً الصحف والرأي العام الإنجليزي هاجمت صلاح واعتبرته مؤيد لديكتاتور الشيشيان وده كان أكبر الأسباب اللي خليته يفكر في الاعتزال دولياً .

معلش ياصلاح إحنا آسفين ، بس هي دي ضريبة النجاح في بلدك ، ضريبة إنك للأسف جنسيتك مصري ،وأصلك من بلد بتتعمد تقتل كل حاجة حلوة ، بلد الاستغلال والفساد عاميها ومصممة تجيبك الأرض بعد ماوصلت للسما ، بلد مبتقدرش ولا هتقدر الإنسان الطموح الناجح اللي كان سبب في إسعاد شعب بحاله ، وكأنهم مستكترين علينا نفرح ومستكترين عليك نجاحك !

[caption id="attachment_6710" align="alignnone" width="300"]                         قبل وبعد كأس العالم ![/caption]

متستسلمش ولا تيأس ، إحنا كلنا بنحبك وهندعمك سواء كنت في المنتخب أو لأ ، عشان إحنا بنحبك لشخصك وبنحب طموحك وإصرارك ونجاحك؛ اللي كلنا نفسنا نحققه زيك ، إنت بجد أمل لينا وهنفضل نفخر بيك في أي مكان هتروحه .

متخليش حبك لبلدك وخوفك على زعل شعبك يجي على حسابك  و حساب مصلحتك أبداً ، ودوس على أي حد فكر يستغلك ، وساعتها محبتك مش هتقل ولا حاجة بالعكس هتلاقينا كلنا بندعمك ! وهتفضل صلاح اللي اسمه مالي الشوارع والبيوت المصرية وهتفضل أكتر واحد قدر يفرحنا الفترة اللي فاتت . على الرغم من كسرة النفس والإهانة اللي اتعرضتلها وعلى الرغم من إصابتك بس كنت مصمم تفرحنا برضو .

ياريت تعتزل دولياً لو ده فيه مصلحتك فعلاً عشان نفسك وعشان نجاحك يكمل ، امشي و روح للي يقدرك و يعرف قيمتك صح .

انفد بجلدك ، ومتخليش حاجة توقفك ، وبكل حزن "إحنا آسفين ياصلاح " .

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments