search

Writer

Tags

How do you feel about the article?

ًالكبسة تجعل من الطعمية مركزاً رابعا

كتبت - سلمي فتحي القرش

ماتش تحصيل حاصل بس لازم الفوز عشان الخروج المشرف .. !

بيبدأ ماتش مصر × السعودية باستحواذ المنتخب السعودي علي الكرة و تفوح رائحة التشاؤم و الحسرة من المنتخب المصري ! بدأ  المنتخب المصري يفوق شوية مش كتير ، و راح صلاح بهجمة بسبب سرعته و جاب الجول الأول ، و بقت النتيجه 1/0 .

إلا إن زي ما شوفنا بيرفض صلاح إنه يحتفل و كأن الجول ملوش طعم و احتفال "الحضري" الأوفر المبالغ فيه كأننا هنتصعد ، بيضيع صلاح بعدها كرة متضيعش و كانت جول مؤكد .

بعدها بيضيع تريزيجيه برضو هدف مؤكد ؛ و بسبب الكرة اللي خبطت في إيد "فتحي" غصب عنه برضو بيحتسب الحكم "ضربة جزاء" و كأن الحظ ضد "أحمد فتحي" و كأن حد باصصله في كأس العالم !

و بيتصدي ليها "السد العالي" و بنرجع للمباراة ، بتحصل شد و جذب من علي جبر هوبا بيحسب الحكم "ضربة جزاء تانية" ،  بيرجع لل"var"  و بيقول إنها مش ضربة جزاء ! إلا إن الحكم راح شافها بنفسه و صمم يحسبها !! و ده إن دل علي شئ يدل إن الحكم واكل"كبسة" و شارب "شاي بالياسمين" ،  إيه اللي يخليه مصمم يحسبها ؟!!

بيخلص الشوط الأول 1/1 و علي رأي الشوالي .. دي العلاقه بين الكرة و السياسية .

الشوط التاني : أين المنتخب المصري أنا لا أراه ! أحاج "كوبر" أنت لو بتلعب لوحدك "هتدافع" برضو ، غالباً مروان محسن و رمضان صبحي ماسكين على كوبر سيديهات .

حكم المباراة أكتر حكم قابض،  غشيم ! أنت مفضوح أوي.

-يعني الكره تبقى مع مصر و أنت واقف فتيجي تحت رجلك تديها للسعودية !

-بتشوط السعودية كتير على مرمى المنتخب المصري ، و بيجيبوا الجول الثاني في الدقيقة 91 !

يستاهل الفوز منتخب السعودية .

دموعك غالية علينا أوي يا "وردة" أنت من أرجل لاعيبة الفريق اللي فيه خشبات كتير ، سيظل "الحضري" هو السد العالي عملت اللي عليك ،"تريزيجيه" أقل ما يقال عنه إنه "برنس" بس للأسف مظلوم إعلامياً ، نسيبه سنة  كدة ولا حاجة و بعدها هنسمع اسمه كتير أوي .

بطولة للنسيان ، و "كوبر" للشتيمة ، و مواقف صعبة بينت الراجل اللي يستاهل من اللي ميستاهلش ..

الوحيد اللي طلع كسبان"رضا عبد العال" عشان قال إننا هنبقى حصالة المجموعة و قد كنا .

ياريتنا ما روحنا كأس العالم أصلاً !

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments