search

Writer

How do you feel about the article?

مين نمرة واحد؟

- كتبت شادن خليل -

أغنية نمبر وان بقت أول أغنية trending على يوتيوب مع عدد مشاهدات وصل لأتنين مليون في اليوم الأول من نشرها .الوحيد واﻷوحد، رقم واحد، اﻷسطورة هي ألقاب محمد رمضان اللي ظاهرة بوضوح في أغنيته الجديدة نمبر وان وهو بيغني راب. بالإضافة للتركيز على أول حرفين من اسمه MR والفراغ اللي بين الحرفين فيه رقم واحد.

فيه مشهد بيظهر بوضوح جوائز محمد رمضان وراه، ودي بترمز لجمهوره اللي واقف في ضهره لحد ما بقى نمرة واحد ودعم الشخصيات العامة له أهمهم عمر الشريف. دة بيجي بعد المشاهد الأولى لما شاف في التليفزيون اﻷراء السلبية اللي سابها ورا ضهره من الإعلاميين ونزلها من على ودانه. كمان، كان فيه فيديوهات في الكليب لعدد من جمهوره بيغني اﻷغنية ويرقص عليها، وهي اللي موجودة على صفحة محمد رمضان الرسمية قبل تصوير الكليب. كمان الخلفية كان فيها تركيز على إعلان "أقوى كارت في مصر" وهو متربع على العرش ولابس التاج، وبرتم موسيقي قريب من الأغنية.

مشهد الفيراري بيفكرنا ببوست "إياك تفكر تسبق الفيراري" اللي استفز عدد كبير من الناس؛ أولاً لنجاح "نسر الصعيد" في المشاهدات، والسبب اﻷهم teaser. بس هنا نيجي لبقية البوست "لا عزاء للأغبياء" اللي زيه في الأغنية أنه " في الساحة واقف لوحده" من غير تقدير كافي لزملاءه.

رغم نجاح محمد رمضان وجماهيريته اللي ما ننكرهاش، لكن ليه لازم يكون النجاح مقتصر على نجم رقم واحد مفيش حد جنبه؟ كل واحد له ذوقه في اختيار الممثل المفضل ورقم واحد له ما بين قامات فنية كبيرة زي يحيى الفخراني وعادل إمام اللي متعونا بفنهم سنين طويلة، أوحتى الممثلين اللي كانوا وقتها بيبنوا تاريخهم في التمثيل، وما كانش عليهم الضوء قوي زي ياسر جلال وأمير كرارة، أوحتى المجتهدين اللي أثبتوا نفسهم في وقت قليل زي يوسف الشريف وعمرو يوسف وأحمد عز.

كل دول ناجحين وكل واحد فينا شايف ممثله أوممثلينه المفضلين رقم واحد في عينه والمنافسة أكيد حلوة ما بين الجميع وبتخلي الكل يطلع أحسن ما عنده بغض النظر عن عدد المشاهدات؛ دة اللي بيحلي الموضوع أنه على طول الموضوع شيق لك أنك تشوف مين حيقدم اﻷحسن، مش مين هو اﻷحسن. طبعاً، كل دة يجي جنب احترام الزملاء والبساطة في التعامل مع الناس اللي بتكسر الغرور اللي جوة الواحد وتخليه يكمل رغم الصعوبات من غير استهانة بحد، أوأنه قلة قليلة ملهاش لازمة أنه يحطها في اعتباره.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments