search

Writer

Tags

How do you feel about the article?

مين سلمى أبو ضيف دي أصلاً ؟

كتبت رنين أحمد

طبعاً كلنا شوفنا المهزلة اللي حصلت قبل ماتش مصر و روسيا ، والوفد اللي سافر روسيا قبل الماتش على حساب الدولة  -الدولة اللي رفعت عننا الدعم عشان مافيش فلوس!-  وكان بيضم بعض الفنانيين والنواب .

مش فاهمة أصلاً دول إيه اللي سفرهم قبل الماتش يسهروا مع اللعيبة ويشتتوا تركيزهم .

وطبعاً بعد خسارتنا في الماتش واجهوا هجوم رهيب من الجمهور على السوشيال ميديا وإنهم أكبر أسباب الخسارة ، وكل فنان بقى يعمل فيديو يدافع عن نفسه وكان أشهرهم فيديو "شريف منير" واللي قال فيه إنهم تلقوا دعوات للماتش بس مكانتش مدعمة ببوكيت ماني وإنهم اتحملوا نفقاتهم الخاصة  -غريبة والله ماكنتوا تدفعولهم عشان يعملوا شوبينج-  ، وكان برضو من الناس اللي استنكروا الهجوم نقيب الممثلين "أشرف ذكي" .

بس أجدد رد كان من "سلمي أبو ضيف " واللي طلعت بفيديوهات علي صفحتها ع اسنتجرام بتقول فيها "إن مينفعش نحمل الفنانين خسارة المنتخب وإنهم راحوا يشجعوا زي أي مواطن عادي ، وضافت كمان إنها متعرفش أي حد في المنتخب، وإنها راحت روسيا البلد البعيده والباردة واللي هي اصلاً "Not her favourite destination"  عشان بس تشجع بلدها !!! ، ثواني بس هي مين سلمى أبو ضيف اللي معتبرة نفسها من الفنانيين و روسيا إيه اللي مش فيڤورت ديستنيشن عشان برد وبعيدة ، وكمان ياسلمي ياحبيبتي كلنا عارفين إنك واللي زيك رايحين تتفسحوا بفلوس الغلابة وقضيتوها هناك، ولو انتوا حابين تشجعوا منتخبكوا كنتوا روحتوا بفلوسكوا الخاصة زي كل المشجعين العاديين ، ومكنتوش نزلتوا في نفس الفندق بتاع المنتخب وقضيتوها صور وسهر معاهم !  بس ماهو العيب مش عليكي أنتِ واللي زيك ، العيب علي اللي عملكوا سعر من الأول ،معلش ياحبيبتي هنبقي نعملكوا المونديال الجاي في بيتكوا .

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments