search

Writer

How do you feel about the article?

صيفك 2018

- كتبت سلمى فتحى القرش -

الصيف بدأ خلاص؛ وابتدى الحر والزهق ومش عارفه تلبسى إيه؟ والقماشات الخفيفة، والجديدة.. خلينا نبص مع بعض على الموجود دلوقتى و متوفر ومريح وفى نفس الوقت trendy.

عشان الجو ودرجة الحرارة العالية فلازم تختارى الهدوم اللى قماشتها خفيفه وكمان ألوانها فاتحه؛ القماشات المريحه جداً هى الفيسكوز ؛ الشيفون اللى مش خفيف أوى علشان متضطريش انك تلبسى طبقة تانية تحتيه؛ الكريب.

أما بالنسبه بقى للأشكال بتاعة الأقمشة: القماش المقلم حلو جداً وسهل تلبسى عليه أى لون طرحه لو أنتى محجبه ، و سهل تختاريله شنطه و شوز ، ميزة القماش المقلم كمان انه سواء كنتي رفيعه او مليانه شويه أنه بيظهر جسمك متناسق ؛ البنطلونات الواسعه كمان سواء ساده أو منقوش ظهرت كمان من فتره و هي مريحه جدا و مناسبه لخروج الصبح خصوصا ال"فلورال" أو بالليل مع بس اختلاف اللوك بتاعك و يفضل تلبسي عليها قطعه ساده عشان ميبقاش في نقوشات كتير . أما بالنسبه للألوان فالصيف ده ألوانه : الأصفر بدرجاته ، ألوان الباستيل كلهاا و ميزاتها أنها كمان بتلق مع بعضها و مع ألوان تانيه كتير يعني مش هتقيدك خالص ، السيمون ، و طبعا الزيتي مكمل معانا شويه .

من القطع اللي انتشرت برضو الفتره دى ال jumpsuits بأشكال كتير أوي و ممكن تلبسي عليها كارديجان ؛ بعد فتره من اختفائها برضو رجعت تاني "الجوب البينسل" و دي زي الجوكر كده تنفعك في الجامعه و الخروجات و كمان المناسبات ، البلوزات الواسعه من الصيف اللى فات و مكمله كمان الصيف ده ، و بأشكال مختلفه جدا و كتيره كمان ؛ دولابك كمان ميخلاش من التي-شيرتات الخفيفه القطنيه اللى منضايقكيش فى الحر .

البنطلونات البيضا كمان سواء جينز أو قماش ما بعد غياب فتره طويله ظهرت تاني و بقي كتير مننا بيلجأ ليها عشان بيليق مع ألوان كتير.

أما بقي إكسسوارات الهدوم فظهر الحزام التسعيناتي من تاني ، و ظهرت الشنطه الصغيره اللي بتتلبس على " الوسط" بدل الشنط الكبيرة .

شوفي دولابك ناقصه إيه ؛ و شوفي اللي عاجبك من الحاجات الموضه و الألوان الجديده ؛ أهم حاجه تختاري اللي بيليق عليكي مش بس تختارى الحاجه لمجرد أنها موضه وبس .

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments