search

Writer

How do you feel about the article?

منتصف الطريق.... فقدان الشغف

- كتبت فرح فريد -

طول عمرنا بنقول إن البداية هى الأصعب، بداية دراسة أو بداية شغل جديد أو حتى بداية علاقة، لأننا بنكون لسه مش متأقلمين على الجديد ده ، لكن أنا شايفة أن المرحلة الأصعب هى منتصف الطريق مش البداية.

البداية ممكن تكون صعبة محتاجة تعود بس، لكن الأصعب منها مرحلة ما بعد البداية مرحلة فقدان الشغف بعد ما شفت صعوبة البداية وقعدت تعافر لحد ما وصلت لمنتصف الطريق ومبقاش عندك طاقة تعافر تانى ، بتقف كدة و تسأل نفسك هو الموضوع مستاهل كل المعافرة دي؟ و لا تقف و كفاية لحد كدة؟ ولا تستسلم و ترجع من الاول تشوف طريق تانى؟ احساس انك عايز الحاجة و مش عايزها عايز تكمل عشان أنت فى الأساس بدأت عشان توصل لحاجة معينة و مش عايزها عشان تعبت و مليت.

فى الحقيقة أنا مش بكتب عشان اقول المفروض نعمل ايه في المرحلة دي لأني شخصيا محتاجة حد يقولي اعمل ايه ، مش عارفة اكمل الطريق بدون شغف لحد ما أوصل للآخر ويا عالم لما أوصل هبقى راضية عن نفسى ولا ندمانة إنى كملت وموقفتش وقت ما كان المفروض أقف ولا استسلم و أرجع مكان ما بدأت و برضو ممكن اندم اني مكملتش، لكن اللى أعرفه إننا فى المرحلة دى محتاجين يبقى عندنا شجاعة تحمل مسئولية القرار اللى هناخده سواء استكمال الطريق أو الإنسحاب، و كمان في أشد الحاجة لحد يكون عارف مصلحتنا أكتر مننا ياخدنا من أيدينا للطريق الصح.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments