search

Writer

How do you feel about the article?

بداية النهاية

- كتب محمد عصام -

كلمتين سمعتهم من أستاذى و من ساعتها مبطلتش تفكير فيهم ، كل حاجة ليها بداية و نهاية و في أغلب الوقت بتبقى البداية أحسن ، لأنها بتبقى لسة نضيفة و متبهدلتش مثلاً زي اللبس اللي بتلبسه ، لكن فى حياتنا النهاية لازم تبقى زي البداية بالظبط و ياريت لو أحسن منها .

النهاية خلاص مش فاضل عليها كتير ، و أنا ولا بنجم ولا بشوف الطالع  بتبقى حاجة فى علم الغيب .

بس خلينا نكون واقعيين و نتكلم بالدليل ( علامات يوم القيامة الصغرى ) ، لو فكرتوا تبصوا عليها لو عندوكوا وقت هتلاقوا معظم العلامات اتحققت ماعدا اتنين أو تلاتة تقريباً ، و من العلامات ديه : إنتشار القتل و الزنا و الربا و الخمور و غيرهم كتير ، قولى إيه من الكلام ده متحققش !؟

ده كلام رسولنا اللي بنؤمن بيه و من أحاديث قوية كمان . ممكن حد يقول طب م الحاجات ديه موجودة من زمان ف ليه القيامة مقمتش ! كل ده فعلاً كان موجود بس ل 1% من الناس حتى لو كانوا من الجاهلية . لكن دلوقتي ده بقى العادي .

كلنا ابتدينا بقلب أبيض و بنفس بريئة و طاهرة سواء كنت مسلم أو مسيحي أو حتى صهيوني.

 الفكرة إن خلاص الوقت بيضيع مننا و النهاية بالأدلة ديه مفضلش عليها كتير ، ممكن بعد م تخلص قراية الكلام ده القيامة تقوم و ساعتها هتتمنى لو كنت اقتنعت بكلامي و قمت صليت ركعتين فايتينك ، و أنت كنت صليت فى الكنيسة علشان ربك .

قربوا من ربنا لأن النهاية الكويسة متوقفة عليه هو و مش على حد تانى و تبدأ من جديد مع اللي حواليك ، ليك يا عم مش ليهم .

و ابعد عن شهواتك لأنها هتبقى مصدر عذابك ، و احترم نفسك على قد م تقدر فى كلامك و تصرفاتك ، و الأهم من كل ده أنك تبدأ بالتنفيذ في الحاجة اللي أنت عارف أنك مقصر فيها و خليك رقيب على نفسك لأن ولا أهل ولا أصحاب هينفعوك لما تبقى نهايتك سودة .

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments