search

Writer

How do you feel about the article?

التدخل الإلهى فى السينما

- كتبت سلمى جلال -

السينما بحر واسع مهما غوصت فيه وعرفت خباياه مش هترسى على بر، بل بالعكس هتفضل تتعمق فيه ويزيد شغفك بالفن ده ومعرفة كل حاجة متعلقة بيه؛ سواء فيما يتعلق بالإخراج أو التصوير أو التأليف أو التمثيل وغيره كتير من "تكنيكات" السينما، خلونا نخص بالذكر الكلام عن كتابة السيناريو واللى بيعتبر عامود من عواميد نجاح أى فيلم سينمائي واللى بيستخدم تكنيكات كتير بيمشي عليها أى كاتب سيناريو ومنها تكنيك بيسمى "deus ex machina" ودى كلمة لاتينية معناها الحرفى "the god in the machine" واللى ممكن نقول عليه بلغتنا الدارجة "التدخل الإلهى" واللى وجودها بيعتبر موجود من أيام مسرحيات الإغريق واللي كان بيجسد فيها التدخل الإلهى ده بمعناه الحرفى عن طريق أن رجل كبير بدقن بينزل فجأة من سقف خشبة المسرح وكأنه المعجزة اللى الناس كلها مستنياها عشان تفك عقدة أى حاجة بتحصل مالهاش حل منطقى.

والتكنيك ده مابيعتبرش ركن أساسى فى الكتابة، لكن المؤلفين بيلجأوا له لما يكونوا مزنوقين فى حاجة مش عارفين يعملوا لها حل منطقي وناس كتير بتعتبر استخدام التكنيك ده ما هو إلا كسل من المؤلف، يعنى اللى هو "يلا نحط أي نهاية تنقذ البطل بتكنيك الـdeus ex machina عشان نخلص ونخلص الفيلم".

و فى أفلام كتير لجأت لاستخدام التكنيك ده ومنها:

• فيلم "Jurassic Park" واللى كان فيه مشهد هيموت فيه أبطال الفيلم على إيد اتنين من الديناصورات لا محالة، وفجأة وبدون سابق إنذار يدخل ديناصور كبير واللى برضو يقرر فجأة انه ياخد صف البنى آدمين وينقذهم ويهاجم الديناصور اللى كان بيهددهم واللى بيعتبر شىء غير منطقى بالمرة.

• آخر مشهد من فيلم "Toy Story 3"  لما كانت الألعاب هتتحرق خلاص وفجأة ظهرت آلة أشبه بالونش من فوق أخدتهم وأنقذتهم، وهو تجسيد حرفى للتدخل الإلهى الغير منطقى والغير مبرر لإنقاذ أبطال الفيلم وإرضاء المشاهد ليس إلا.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments