search

Writer

How do you feel about the article?

كيس بلاستيك

- كتب محمد عصام -

فيه أنواع كتير من الأكياس، وبحمولات مختلفة؛ يعني فيه كيس أو شنطة بتشيل كيلو، وما تقدرش تشيل العشرة كيلو يا إما هيتقطع. فيه أكياس شفافة، وأكياس سودة ، أنا شخصياً بفضل الأسود ، يعني علشان محدش يعرف أنا شايل إيه جواه.

كل واحد مننا ليه الكيس الخاص بيه اللي بيرمي فيه كل همومه، وقرفه من الدنيا . وكل واحد كيسه مختلف عن التاني إذا كان في النوع أو الحمولة.

فيه اللي كيسه شفاف، وحمولته قليلة، ودة همومه باينة لكل الناس، وشايف إنها خلاص ديه نهاية العالم. وفيه اللي كيسه شفاف بس بيشيل كتير، وده همومه وقرف الدنيا كله على وشه، بس على قد كدة أهو سايبها على ربنا، ومقتنع أنها هتتعدل.

والنوع التاني الأسود ده بردو في منه اللي حمولته قليلة ، وده الكئيب اللي بيتلكك على أى حاجة تضايقه، بس مبيطلعش لحد حاجة، كدة بينه وبين نفسه.

وفيه الكيس الأسود، بس اللي حمولته كبيرة شوية، وده اللي معظم الناس شايفة نفسها زيه، بس للأسف هما مش كدة، الكيس ده هو اللى تعبان بجد، بيفضل يحط ويشيل جواه، ومحدش عارف حاجة لحد لحظة معينة، اللحظة دى ممكن تحصل لأى نوع من الأنواع دي كلها، إن الكيس يتقطع، أو الحمولة تبقى زيادة عليه، كلنا معرضين إن ده يحصل، وفى أى وقت بس اللى هيفرق هى طريقة التعامل مع كل حالة فيهم.

كلنا بنى آدمين بإختلاف أكياسنا، وقوة تحملنا، بس مش معنى أن الحمولة زادت عليك، إنك خلاص تفقد الأمل، وتسيب أمورك تتبعتر شمال ويمين، دور وشوف مين في صحابك، أو أهلك، أوحبايبك كيسه لسة متملاش، وإرمي عنده، وصدقنى دي بتبقى أسعد لحظة بالنسبة له لأنه ساعتها بيحس أنه مهم عندك.

الخلاصة.. إذا كان كيسك أسود أو شفاف، باين عليك الهم أو لأ ! هييجى عليك يوم وصدقنى كيسك هيتقطع، فحاول إن قبل ما ييجى اليوم ده تختار حل من إتنين يا إما تحاول تحل أمورك، وتتغلب على همومك حتى لو كان ده صعب، أو إنك تميل على كيس حد تانى، وتخليه يشيل معاك شوية؛ أهو حتى لما تيجى تحل أمورك، تلاقي حد واقف جنبك وافتكر إن ديه حاجة هو بيتمناها.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments