search

مصر ليه ؟

- كتبت سلمى فتحى القرش -

بالرغم من حجم التقدم والتكنولوجيا اللى وصلنالها فى 2018 ومازلنا بنتقدم كل يوم وبيطلع حاجات جديده كل يوم، إلا أن لو بصينا لموضة كتير من الهدوم هنلاقى الزمن بيعيد نفسه؛ واللى كنا بنقول علية موضه قديمة، دلوقتى بنلبسه علشان موضه.

من رمضان 2017 وبعد مسلسل "جراند اوتيل" والتفاعل اللى حصل وقتها مع المسلسل وأجوائه والحقبة الزمنية اللى كانت حكاية المسلسل بتدور فيها، لقينا أن كل المصريين عندهم حنين لأيام زمان، اللى عاش فى الفترة دى بيتمنى أنها ترجع تانى، جيل الشباب اللي طبعًا معاصرش الفترة دى نفسه انه يعيش فيها بكل تفاصيلها كلامها ؛ لبسها ؛ فنانينها .

.اتكررت الفكره تانى بحقبة زمنية أقدم فى رمضان 2018 فى مسلسل "ليالى أوجينى" ومسلسل"اختفاء" ، وبرضو نفس اللى حصل السنة اللى فاتت اتكرر وبصورة أوسع كمان.. لدرجة أننا ممكن منركزش مع أحداث المسلسل بس مبهورين بطريقة كلامهم، ستايل لبسهم، تصرفاتهم، وسيلة المواصلات وقتها، الفن عامة، شكل العربيات، فكرهم السياسى، تسريحة شعرهم، التجمعات والحفلات اللى بيعملوها، المزيكا الأجنبية اللى بيسمعوها .. وحاجات كتيره أوى.

كتير مننا أوى بيتمنى حد يقوله "سعيدة" بدل "هاى" و البنات نفسها حد يقولها " اتفضلى يا هانم" ؛ و نقول "نهارك سعيد" ؛ "حلمك من فضلك" بدل "أصبر شوية" ؛ و لما حد يكون قلقان نقوله"ميكونش عندك فكر" بدل "ماتقلقش" ، ولما نطلب المساعدة نقول "اسعفنى" بدل "ساعدنى" ؛ و كمان" مش بطال" ؛ "عال" ؛ "مستاء" ؛ "ممنون" .. وكلام كتير أوى لما حد بيقوله بنقوله "كلامك لابس طربوش" عشان هو خاص بفترة الأربعينات و الخمسينات .

  ليه مش مبسوطين بزمانا دلوقتى وعايزين نرجع بالزمن لي ورا؟ ليه مش عاجبنا اللي وصلناله ؟ هل عشان مش حاسين بالراحه ! ولا ياتري عشان الناس زمان كانوا أشيك و أحلى بكتير من دلوقتى ! ولا عشان حتي الموضه في اللبس و المكياج مبقتش عاجبانا ! تعددت الأسباب .. بس الواقع أن إحنا مش هنقدر نرجع كل السنين دى ولا هنقدر نحقق اللى بنتفرج عليه ؛ كل ده مش موجود غير في الافلام و المسلسلات ؛ إحنا نقدر نحب حياتنا بناسها و تفاصيلها و طريقة كلامها .

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments