search

Writer

How do you feel about the article?

حلول الحكومة حلت وسط الشعب

- كتبته آلاء حجازى -

الناس بقت بتخاف يا حكومة كل ماييجى عليها يوم الخميس وبتسأل ياترى هنصحى يوم الجمعة على خبر زيادة سعر إيه؟ إتعودوا إن الزيادات دايمًا بتكون في اجازة سواء كانت بنزين اللى بيترتب عليه زيادة سعر كل حاجة صغيرة وكبيرة، أو تذاكر المترو أو زيادة أسعار المياه والكهرباء.

كل مستلزمات المعيشة وكل حاجة غليت على شعبك يا حكومة إلا مرتباتهم زى ماهى! طلبتوا مننا نستحمل علشان مصر تتقدم و إحنا إستحملنا بس والله مش بمزاجنا، ده كان أمر واقع و وضع إتفرض علينا، نمنا وصحينا لقينا لتر البنزين بقى بـ5 جنيه بدل 3 وتلقائيًا لقينا الخضار واللحوم والدواجن وكل أنواع الأكل غليت ولو سألت ف أنت مش هتسمع رد غير "البنزين غِلي يا بيه".

وشعبك ساكت يا حكومة بس كفاية بقى، كفاية البنزين اللى بيغلي ده، والله نص شعبك يا مصر بيشترى عربياته بالقسط مش معنى إن هم راكبين عربيات يبقوا أغنية وبيلعبوا بالفلوس والنص التانى بيجيب العربية علشان تدخلهم فلوس...يعنى من الآخر بردو مش مُرفهين زى ما أنتو فاكرين! بس كل ده طبعا عشان الدولة توفي بتعاهدتها لصندوق النقد الدولى.

إضطروا يشيلوا الدعم من على المواد البترولية والكهرباء، وحتى أنبوبة البوتاجاز هيتراوح سعرها من 50 لـ60 بدل 30 جنيه! و طبعًا هنلاقى كل حاجة غليت بعدها من أول أجرة المواصلات للأكل والشرب والحقيقة إننا مانقدرش نلوم البياعين على حاجة لأن الغلاء ده زى ماهو علينا فهو غلاء عليهم زينا بظبط.

يا حكومة ويا ريس الشعب بعد ما كان في 3 طبقات إجتماعية وإقتصادية بقى في طبقتين بس؛ طبقة فوق أوى ومش شايفة اللى تحت - وهى دي الطبقة اللي هتنعزل وتعيش فى العاصمة الإدارية الجديدة - وطبقة تانية بقت تحت أوى، طبقة بقت مديونة وبتحاول تفضل عايشة بس مش طالبين حاجة غير الستر فى البلد ديه، ده بقى أقصى طموحهم والله! الطبقة المتوسطة ديه مابقاش ليها وجود وإختفت، بس ماطلعتش فوق لأ بالعكس ديه نزلت للطبقة اللى تحت!

وسطنا إتحل يا حكومة وإتهدينا عشان أنتِ تلاقى الحل

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments