search

Writer

Tags

How do you feel about the article?

سباق شباك التذاكر

- كتبت رنين أحمد -

خلاص عيد الفطر بقى على الأبواب واشتدت المنافسة بين نجوم السينما على شباك التذاكر ، وبيدخل السباق السنة دي خمس أفلام أقوى من بعض. منهم 3 أفلام من النوع الكوميدي ، زي فيلم "قلب أمه" بطولة شيكو وهشام ،واللي فيه بيكون شيكو مجرم وبياخد طعنه بالسيخ في قلبه فبيضطروا ينقلوله قلب دلال عبدالعزيز مامت هشام ، وبيبتدي المجرم يتصرف معاه زي مامته في وسط أحداث كوميدية. ومن المتوقع إنه يحقق إيرادات عالية جداً. تاني فيلم كوميدي هو فيلم "ليلة هنا وسرور" بطولة محمد إمام وياسمين صبري واللي بتدور أحداثه على رجل أعمال بيحب بنت وبيتورط مع عصابات وتستمر المغامرات طول الفيلم بطريقة كوميدية ومن الواضح إنه هيكون من الافلام الناجحة. تالت فيلم "الأبلة طمطم" بطولة ياسمين عبدالعزيز وحمدي الميرغني وبتدور أحداثه عن مُدرسة موسيقى في مدرسة خاصة وبتدخل في أحداث متتابعة مع أولياء الأمور وكله في إطار كوميدي لكن الواضح من البرومو إنه أضعف الأفلام الموجودة في الساحة حالياً.

وبالنسبة للفيليمن التانيين فهما من النوع التراجيدي أول فيلم هو "كارما" واللي كان ممنوع من العرض بس اتحلت المشكلة مع الرقابة وهيتم عرضه في معاده ، الفيلم بطولة عمرو سعد و غادة عبدالرازق و وفاء عامر وإخراج خالد يوسف بعد غياب طويل ، بتدور أحداث الفيلم بين شخصيتين لعمرو سعد ، واحد عايش في منطقة شعبية متزوج من بنت مسيحية وبيتهاجم بسببها والتاني ملياردير بيقع في حب مديرة أعماله  ، ومن المتوقع إنه يكون له مكان في الصفوف الأولى. أما أخر فيلم فهو "حرب كرموز" بطولة أمير كرارة وغادة عبدالرازق ومصطفى خاطر ومحمود حميدة وفتحي عبدالوهاب ، و بتدور أحداث الفيلم فترة حكم الملك فاروق قبل ثوره 1952 عن ظابط اسمه الجنرال يوسف المصري واللي بيدخل في معارك ضد الإحتلال الإنجليزي لحماية أهل بلده ، الفيلم إخراج "بيتر ميمي" وتأليف وانتاج السبكي ،، والفيلم متوقع جداً مش بس إنه يكون ناجح ولكن إنه هيكون رقم واحد السنة دي ، وبرومو الفيلم كان سبب كبير في خروج كذا فيلم من ساحة المنافسة وتأجيلهم لعيد الاضحي زي الفيلم المنتظر " بني آدم"  للعالمي يوسف الشريف واللي خرج من الساحة الدرامية لرمضان السنة ديه بسبب إنشغاله بفيلمه واللي هيكون عودة ليه بعد غياب 9 سنين من السنيما وكان التأجيل سبب خلاف بين يوسف الشريف والمنتج ، وتقرر بردو تأجيل عرض فيلم " الكنز الجزء الثاني" ، وفيلم "تراب الماس" بطولة منة شلبي وآسر ياسين لنفس السبب.

وكمان من الأفلام اللي كانت مقرر إنها تتعرض في عيد الفطر بس إتأجلت بسبب عدم إنتهاء التصوير فيلم "الديزل" لمحمد رمضان وياسمين صبري ، وفيلم "البدلة" بطولة تامر حسني و أكرم حسني و أمينة  خليل، وفيلم "تلات شهور" بطولة أحمدالسقا ومنى زكي وظافر العابدين ، واخيرا فيلم "122" بطولة أحمد الفيشاوي وطارق لطفي و أمينة خليل.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments