search

Writer

How do you feel about the article?

عيد فيزياء سعيد

- كتب محمد عصام -

ده حال كل طلاب الثانوية العامة السنة دى.. كل الناس فى عيد الفطر بتفرح وبتحتفل بالعيد إلا طلاب الثانوية، بعد العيد عندهم إمتحان الفيزياء - كابوس الثانوية العامة - كلهم خايفين تتكرر مأساة إمتحان 2008 اللى محدش عرف يحل فيه حاجة أو إمتحان 2016.

ضغط الأهل على الطلاب ورعب الطلاب نفسهم من المادة هو اللى خلاها كابوس يتخاف منه، طب ايه أسباب ده !؟ و ليه بقيت كابوس !؟

- نظام الحفظ المتوارث عليه فى مناهجنا التعليمية هو السبب الأساسى فى المهزلة دى.. نظام عودنا على الحفظ و صم الأسئلة بالإجابات النموذجية، فطبيعى لما يبقى فيه مادة أساسها الفهم مش الحفظ وبتمتحن الطلاب فيها وبتخليهم يحفظوها يبقى أكيد فى حاجة غلط .

هل ده عيب من المدرسين إنهم مش عارفين يفهموا المادة للطلاب! ولا عيب من الطلاب اللى أنت مش معودهم يفهموا وبالتالى هيخافوا الإمتحان يجى فيه مسألة واحدة محتاجة ذرة تفكير وتضيع مستقبلهم وهما محتاجين كل درجة .. يعنى إيه طالب بقالوا سنة بيدرس المنهج مش فاهم يعني إيه حث كهرومغناطيسى؟

بس لو سألتوا هتلاقيه حافظ التعريف زى اسمه.. وعلشان كدة الدكاترة فى الكليات بتعانى من أسلوب التدريس ده وإن الطلاب مش فاهمة هى بتدرس إيه!

فى الأخر أنا مش بقفل الدنيا فى وش حد لأنى من كام سنة كنت مكانكم ونصيحتى ليكم فى المادة دى بالذات أنك تحل كتيييير على قد ما تقدر.. خلاص وقت الفهم راح و انت دلوقتى عايز درجات.. حل أى إمتحان يجى قدامك بإيديك ومتقولش مافيش وقت لأن والله والله تقدر تجيب درجة كويسة جداً لو عملت اللى قولتلك عليه فى الكام يوم دول.. وسيب الباقى على ربنا المهم تكون عملت اللى عليك.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments