search

الرحلة

- كتبت اسراء محمد شومان -

المسلسل بطولة باسل خياط وحنان مطاوع و ريهام عبد الغفور.. مسلسل تشويقى وغامض بتدور أحداثه بين مجموعة أشخاص شاء القدر وجمعتهم الصدفة فى رحلة على طيارة واحدة، مكنش حد فيهم يعرف التانى وكلهم اتجمعوا فى أحداث واحدة، بتدور على قضايا مجتمعنا وهى الكذب والخيانة والنفاق والغدر.. باسل خياط اللى هو قايم بشخصية "أسامة" شايف إن المجتمع اللي بره إطار بيته ده مجتمع منافق وكذاب وخاين عشان كده حبس مراته ريهام عبد الغفور شخصيتها "رانيا" ٦ سنين فى البيت هي وبنتها "سلمى" علشان ميختلطوش بالمجتمع اللى بره وإنه كده بيحافظ عليهم من الناس اللى بره.

الحقيقة إن أسامة فى أول المسلسل كلنا قولنا عليه مريض نفسى ومجنون خصوصًا بعد ما كان بيجسد لمراته شخصية صاحبتها علشان كانت محتاجة تتكلم مع حد غيره ورفض أنها تشوف صاحبتها ففاجئها هو وجسد شخصية صاحبتها وبدأ يتكلم معاها على أساس إنها هى.

أسامة قتل مرتين بحجة إنه يوصل لمراته اللى هربت منه بعد ما حبسها ٦ سنين وبحجة إنه بيطهر العالم من الناس الخاينة والمنافقة والكذابة.

طبعًا كلنا عندنا نفس الفكر ونفس السؤال هل هو فعلاً مريض نفسى ولا هو صح إنه بيحافظ على الحاجة اللي بيحبها وشايفها غالية ومينفعش إنها تتهان أو تتعرض لأى إساءة من العالم اللى بره، ممكن يكون هو صح وغلط فى نفس الوقت برده ، صح عشان بعيداً عن أى حاجة وحشة ممكن تحصله أو تحصل لعيلته خصوصًا إنه لما خرج وواجه الناس اتعرض للإهانة، وغلط إنه المفروض يكون مختلط بالناس عالأقل الناس الكويسة واللي مرتاح معاهم ومش لازم إنه يختلط بناس كذابة أو منافقة.

نهاية المسلسل غير متوقعة بالمرة لكن الجدير بالذكر أنه من المحتمل يكون أفضل مسلسل فى رمضان ٢٠١٨ .. وتستمر الرحلة مع باسل خياط.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments