search

الأبراج

 - كتبت آلاء حجازي -

بالنسبة إلى ناس كتير الأبراج هى مجرد "حظك اليوم" اللى بنقرأها في الجرايد بس، بس الأبراج علم وعلم كبير أوى كمان اسمه "علم الفلك" عِلم له علاقة بالكواكب وحركتها وعلاقة كل حركة منهم بالتنبؤ بشخصيات الناس وسلوكياتهم وخصائصهم.. الأبراج بتتقسم لفئات مختلفة: "هوائى، نارية، ترابية ومائية".

 - برج الجوزاء من 21 مايو لـ21 يونيو: طبعًا لما بنقول الجوزاء الناس كلها بتقلق وبتخاف من تقلبات مزاجه السريعة، بس علميًا ده صح الجوزاء هو برج "الإزدواجية"... الراجل الجوزاء هو راجل بيقلق بسرعة وبيكره العُزلة لفترات طويلة و قليل الغيرة لأنه ماعندوش روح التملُك ولمولود الجوزاء خيال واسع وسريع البديهة وحضوره جذاب وبيشد قلوب الناس بسرعة وسريع الملاحظة.. أما الست بقى فى برج الجوزاء: هى ليها مش أقل من 4 شخصيات مختلفة، هى ست صبرها قليل وممكن تلاقيها بتستفزك من غير ماتقصد بس هى تستحق الشفقة والله لكن أعصابها دائمًا ما تكون متوترة علشان بتركز فى التفاصيل أوى ومن أهم مبادئها "البعيد عن العين بعيد عن القلب".

- برج السرطان من 22 يونيو لـ21 يوليو "برج مائى": هو برج انطوائى وغامض فى نفسه حتى أهله مش بيستشيرهم فى قراراته، وقته المفضل هو الليل، هو أحسن حد بيحافظ على الأسرار وأحسن صاحب وشخص طيب و بيتوتى جداً وبيحب أفراد عيلته أوى.. رجل السرطان هو رجل رومانسى، معطاء وبيضحى علشان شريكه جداً وعطوف وقلبه صافى ومحبوب من الناس كلها وبيته هو قلعته الحصينة اللى بيدافع عنها بشراسة.. إنما الست فى البرج ده فهى على طول مبتسمة وضحكتها على وشها وعندها خيال واسع وحريصة لدرجة إنها بتحب تحتفظ بحاجات صغيرة جداً... حبها على طول صادق وعميق وغيرتها قليلة ومشاكلها العاطفية بتيجى من جواها بسبب عدم ثقتها بنفسها.. من أهم مزاياها: الشجاعة والصبر والحرص وتقديس البيت والعائلة، من أحلى عاداتها سهولة الضحك والبكاء.

-برج الأسد من 23 يوليو ل 22 أغسطس وهو "برج ناري" : لو قولنا الأسد أكيد هييجي في دماغنا ملك الغابة اللي كله بيخاف من هيبته وفي الحقيقة مواليد برج الأسد عندهم شوية من صفات الملوك ديه زى : الكسل الملوكى والحركة السريعة ودى صفات الملوك...عنده كرامته فوق أى حد وكل حاجة وبسبب كدة مابيستحملش أى إنتقادات ممكن تتوجهله عن أسلوبه.الأسد فخور دايماً بنفسه وعنده مشاعر كلها فخر وعزة.رجل الأسد : خلوق وعاطفي مع السِت جداً بس عنده شخصية نقدر نقول عليها"مُتسلط" عنده طاقة حب كبيرة جواه ومُعَرضة للإنفجار مع أقل إشارة بس لو مقدرش يطلع الطاقة ديه هيعيش في مأساة و إكتئاب. بيخاف من منافسة زوجته ليه في الشغل أو تفوقها عليه بس مش بيتكسف أبداً من تقديمها للمجتمع والناس في أحسن صورة وفخر و بيعاملها بإحترام وكرم وبيحميها...رجل الأسد شخص فرفوش جداً وبيحب الضحك والتسلية علطول. إمرأة الأسد : هي إنسانة عاطفية لأقصى درجة يبان عليها إنها هادية ورقيقة الصوت والمظهر بس للأسف بتتحول بسرعة جداً من أقل حاجة تضايقها.الست ديه اتولدت عشان تكون مسئولة وقائدة إجتماعية،وشها علطول عليه إبتسامة دافية وحنونة بتخبي وراها كبريائها وده بسبب إنها مؤمنة إنها أحسن من الكُل بس مش لدرجة الغرور.هي ست بيت شاطرة بس مش بتحب تقعد في البيت بتحب شغلها جداً والحياة الإجتماعية عمتاً،أي حد بيفكر يرتبط بيها يعمل حسابه إنها هتخنقه لو فكر يقعدها في البيت بس هي بذكائها تقدر تخليه يعملها اللي هي عايزاه وبضمير مستريح.

-برج الجدي بيبدأ من 22 ديسمبر ل 20 يناير: برج عملي جداً ومواليد البرج ده معروفين بحبهم للشغل جداً وسعيهم الدايم للنجاح مهما كانت التضحيات اللي هيضحوها عشان يوصلوا،الناس ممكن تكون شايفاه شخص مزاجي بس هو في نفس الوقت بيحاول يرضي ويقدر عيلته وصحابه لأنهم مهمين عنده جداً،العقل هو اللي بيحكمهم وقليل أوي لما بيسمعوا لقلبهم.رجل  ست برج الجدي بتجمعهم صفات مُشتركة كتير بس ماينفعوش في الإرتباط سوا لأن عِندهم هما الأثنين بيقف قدام أي حاجة.

صفات رجل برج الجدي: هو راجل بيعشق النظام والدقة في كل تفاصيل حياته وبالذات في الشغل وبيرفض الإهمال والحياة العشوائية،وبيحترم المسئولية اللي عليه وبيثبت كفاءته في تحملها دايماً،بيسعى للنجاح بكل طاقة وحماس وبيعمل كل حاجة عشان يحقق أعلى الدرجات في الدراسة والشغل.لو عندك صديق برج الجدي يبقى فعلاً ده الصاحب اللي غنى له أحمد سعد "بحبك يا صاحبي" لأنه فعلاً من أوفى الأصدقاء اللي بيضحي عشان صاحبه ودايماً بيكون موجود لما تحتاجه وبيساعده في تحقيق أحلامه كمان. مش سهل إنك تعصبه بس لو حصل فا عصبيته بتبقى زى فوران البركان وبتبقى في الغالب بسبب إحساسه بالإهانة أو اللامبالاة،بالرغم من مزاجه المتقلب ده بس لو ملكت قلبه فا هتبقى محظوظ لأنك هتلاقي كل صفاته الحلوة ظهرت،وبيضحي عشان حُبه و رومانسي جداً.

صفات امرأة برج الجدى : هي ست صعبة المنال ومش من السهل أبداً إن لو حد أُعجب بقوة شخصيتها إنه يقدر يقرب منها ولازم يكون شجاع كفاية عشان يقدر يلفت إنتباهها ويملك قلبها،ناس كتير بتقول إنها تِنكة ومغرورة بس بتثبت بسرعة العكس من الراحة اللي بتحسها في الكلام معاها،عندها طموح عالي جداً وبتسعى عشان توصل مهما كان الموضوع هيكلفها تعب وشغل.رومانسية جداً واللي يعرف يوصل لقلبها هتديله كم كبير من الحب وعاطفة عظيمة وتحافظ على قلبه جداً بس لو حست إنه ممكن يقف قدام مستقبلها فهتتخلى عنه بسهولة.تُثبت أنثى الجدى إنها تقدر تتحمل أي مسئولية سواء في الشغل أو في البيت وبتثبت نجاحها.مش بتنسى الإهانة بسهولة ولا بتسامح اللي يغلط في حقها وبالذات لو من حد قريب منها.ترفض أنثى الجدي تصديق الأحلام والأحاسيس وبتؤمن بالحقايق الملموسة والحاجات اللي ماتشوفهاش بعنيها مابتفكرش فيها كتير ولا بتصدقها.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments