search

Writer

How do you feel about the article?

"كل القصص واحدة "آخرها خيانة

كتبت سارة أحمد

معروف في مصر بالذات إن معظم قصص الحب بتنتهي بالفراق وده عشان علاقات الحب بقت لعبة وأهو تسلية وتقضية وقت وخلاص ، بس أكيد مش في كل الناس لأن فيه ناس بتحب من قلبها بجد و بتطلع كل الطاقة اللي جواها لما بتحب وبتكون عاوزة تسعد اللي بتحبهم بأي طريقه ومن غير مقابل .

"كان في بنت دايماً مكتئبة ومقفولة من الحياة بكل مافيها بسبب ومن غير سبب ، لغاية مافي يوم وبالصدفة شافت شاب أكبر منها ويشاء القدر إنه يعجبها وتحبه وفجأة حياتها إتلونت حب و إفتكرت إن هو اللي هيغير حياتها وهيطلعها م اللي هي فيه ولأن أول مره كانت تحب وتتعلق بحد حبته من قلبها وشافته سند وراجل وإدته إهتمام وحب وثقة فوق الطبيعي وبقت حياتها عامة واقفة عليه . و زي أي بنت حبت كلامه ومكنتش عارفة هو مخبي إيه ! بس هو فعلاً مكنش راجل بمعني الكلمة ولا في حبه ليها ولا حتي أفعاله اللي كانت تثبت حبه (أصل مافيش أسهل من الكلام) كان دايماً يقولها ياحبيتي ويامراتي زي أي ولد بيلعب ببنت ومش بيكملوا للآخر  -إلا من رحم ربي- المهم فضل معاها سنتين ممكن نقول إنه فضل مكمل معاها مثلاً لأنها بعيدة عنه ف مش هتخّسره فلوس ولا حاجة فكان شايف فيها تسلية وكمان موفرة، غير مثلاً لو بنت قريبة هيصرف وهيطلع عينه كل خروجة ، ف كانت فرصة لوقت مايلاقي البنت اللي عاوزها ويسيبها وخلاص كدة لأنه ندل عادي جداً ، جت بقى آخر فترة بينهم تعبت من إهماله وهو يقولها أنا مشغول عنك بيكي عشان بشتغل وبجهز بيتنا وبلا بلا بلاااااا وكلام تثبيت وعشان يطلع نفسه من الموضوع جميل خالص قالها أنا زهقت من عتابك وأنتي نكديه وممله ومش مستحملاني وطلع فيها عيوب قد كده ( مع إنه لو كان بيحبها حتى لو كانت شوك بين إيده مش هيسيبها ) المهم طنشها خالص على عكس إهتمامها اللي كان بيزيد كل يوم عن اللي قبله ومن غير أي مقدمات سابها ورماها وداس عليها ، الجميل ف الموضوع إنه سابها ومافيش كام يوم و خطب وطبعاً ع السوشيال كان مالي الدنيا بكلام من نوعية لقيت البنت اللي بحلم بيها اللي عوضتني عن العك اللي كان في حياتي وما من هذا القبيل... هههه عك آه ! ماهي اللي إهتمت وحبت وخانت ثقة أهلها عشان عيل تستاهل يحصل فيها كده .

المهم واللي عاوزة أقولوا (متحبوش من قلبكوا ياجماعة هتتكسروا جامد والله ) أو بمعنى تاني متطلعوش كل مشاعركو غير لما تتأكدوا كويس جداً من مشاعر الطرف التاني ، حبي راجل يصونك ومتهونيش عليه ويبقى ليكي ضهر وسند واللي تتأكدي إنه هيدخل البيت من بابه ويطلُبك ف الحلال ، ومش أي كلام حلو تصدقيه ، متكسريش قلبك وتتعبي ف نفسك إلا للي هتكوني ليه عشان طاقتك ف الحب متخلصش على ناس ملهمش لازمة. وأخيراً الحب حاجة حلوة جداً بس لو كان إختيارك صح.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments