search

Writer

How do you feel about the article?

!كيف عاشت حواء دون أن تقول أبى

- كتبت أيه حبيب -

أؤمن بأن الأب هو ضلع العيش في الحياة، وهو طاقة النور والأمل وأمان الدنيا فكيف عاشت حواء دون سند دون ظهر وإلى من كانت تلجأ عندما يجتمع العالم على كاهليها؟!

إزاي عاشت كل ده من غير ما تقول كلمة "بابا"! اللي فيها الأمان كله إحساس الكلمة لوحده كبير بما فيه الكفاية، "بابا" هو اللى كل المشاكل بتنتهى عنده بكلمة واحدة وإبتسامة، اللي لما بناخد رأيه في أى موضوع بيبصله بنظرة أبعد مننا بكتير، اللي بيعرف نهاية التجربة قبل ما ندخلها، وإحنا زى عادتنا لازم نجرب علشان نعرف وبنطلع إحنا غلط وهو زى عادته دايمًا صح.

"بابا" يعني كلمة مهمة جداً في حياة أى بنت وأى ولد وكانوا بيقولوا زمان "كل فتاة بأبيها مُعجبة" أى بنت باباها بالنسبه ليها الدنيا كلها وأول راجل شافته في حياتها، هو اللي الحياة بتسود لما يكون مش موجود، هو اللى لو طلبنا النجوم بيجبلنا السما كلها، هو اللي من غيره في حاجات كتير أوى مش هتنفع ومش هتمشى ومش هتعدى علشان هو "عمود البيت " فعلاً زى ما وصفوه، هو اللى لما بيحصله حاجة أو يتعب أو يسافر البيت كله بيبقى مليان حزن وحرقة قلب علشان هو دايمًا الطرف الأقوى والأشجع والأحكم.

هو اللى علمنا إن مش كل غلط هنعمله هنتسامح عليه وإن مع كل غلطة هنعملها هنتعلم حاجة جديدة وإننا برضو هنستحمل عواقب الغلط ده مهما كانت،"بابا" يعني مافيش أى حد فى الدنيا يقدر ياخد مكانه مهما كان فى حياتنا أخ أو زوج مافيش حد بيعوض مكان الأب. 

قال - روث بيل – عن الأب :

"الأب هو من يكون طويلاً ليصل إلى كل طريق يؤدى إلى بر الأمان، ومن يمتلك منكبًا عريضًا بما يكفي ليتحمل أعباء العائلة، ومن تكون شفتيه قويتين بيما يكفي ليبتسم، ومن يمتلك حبًا عظيمًا واسعًا ليشمل العالم بأكمله ومن تكون يديه قوية كفاية ليحمل أطفاله الصغار".

الأب دايمًا هو البطل في نظر ابنه وفارس الأحلام الأول في نظر بنته علشان كده فقدان الأب بكل المقاييس مش بسيط أبداً، فقدان الأب معناه إننا خسرنا الجدار اللي كنا بنتسند عليه معناه إن إحنا فقدنا الحب والطيبة والحنان معناه إن إحنا هنقابل كل حاجه لوحدنا، فقدان الأب مش معناه (اليتم) بس معناه كمان إن اللي بيتعامل معاك عارف إنك وحيد تماماً معناه إنك تحس بالوحدة علشان فقدت اللى كان دايماً بيساعدك، ولو إتمدت ليك ألف إيد مستحيل تغنيك، مش بيعرف قيمة الشئ غير اللى بيفقده.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments