search

Writer

How do you feel about the article?

الزتونة

- كتبت شذى أسامة -

طول ما أنت ماشى فى حياتك بتقابلك مواقف وقصص بتعلمك وبتخليك أقوى، خليني أقولك شويه إكتشافات كدة صغيرة قابلتني فى رحلتى اللى مكملتش ٢٠ سنة فى الدنيا دى.

- اكتشفت أن مش لازم لما يكون عندى ١٨ /١٩ سنة أبقى محددة هدفى في الحياة وعارفة أنا عايزة إيه .. بالعكس ده أكتر وقت بتبدأ تكتشف نفسك الحقيقية فيه وتكتشف إن قدامك اختيارات كتيرة أوى في الدنيا، مش مطالب أبداً و أنت لسة خارج من فترة المراهقة وعقلك بيبتدى يستوعب الحياة أنك كمان تخطط لمستقبلك ٣٠ سنة قدام، مش منطقى.

- اكتشفت أنك عشان تتعلم وتعرف الصح لازم تغلط مرة واتنين و ان مافيش حاجة بتيجي بالساهل.

- اكتشفت أنك لو قاعد مع ناس و لا خارج خروجة و مش حاسسها و مش حاسس انك على طيبعتك فيها قوم اهرببببببب ..ايوه بسرعة، العمر أقصر بكتير أوى من أنك تكون قاعد مع ناس مش شبهك.

- اكتشفت أن مش عشان صحابك نجحوا و لا حددوا هدفهم و أنت لأ، ده معناه انك فاشل بالعكس، أنت معندكش "ديدلاين" مطالب فيه إنك تسلم "شييت" أهدافك و إلا هتنقص درجات.

- اكتشفت أن كل واحد فينا ربنا خالقه وجواه حاجة مميزة، حتى لو انت لسة ماكتشفتهاش خلى عندك إيمان أنك هتلاقيها و مش شرط الميزة دى تبقى حاجة كبيرة على فكرة.

- اكتشفت أن مش معنى أنك دخلت الجامعة مينفعش تتخرج من غير متلاقى "your significant other"، ممكن تلاقيه في أى مكان تانى عادى وملهاش سن محدد برضو.

- اكتشفت ان الدنيا سهلة و بسيطة و إن البني آدم هو اللى بيعقدها بكتر تفكيره فى المستقبل وانه شايل الهم، وسقف التوقعات العالى اللى دايماً رسمينه فى خيالنا.

يا صديقى، حاول دايماً تستمع برحلتك فى الدنيا على قد ما تقدر، وتعيشها ببساطة و سلاسة عشان صدقنى مش مستاهلة.


How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments