search

بأى حق؟

- كتبت آلاء حجازى -

بأى حق "الذكور" يستحلوا جسم البنت! بأى حق يندّموا البنت على نزولها الشارع، أو على ركوبها المواصلات، أو على إنها عايزة تجتهد وتدرس أو تشتغل؟ بأى حق يكرهوها في جسمها حتى وهى مغطياه بسبب نظراتهم واللى أحياناً بتطور وتوصل ل"اللمس"؟!

بأى حق تبقى راكبة أى مواصلة وتلاقى إيد لمست ضهرها أو رجليها!! مين إدالهُم الحقوق ديه؟ مين سمحلهم بكدة؟

القانون.. اللى مش بيحمى البنات والستات من المتحرشين، ولا الأهل.. اللى بيربونا على إن الولد مهما غِلط فهو ولد ومش هيتعاقب، ولا أهل البنات.. اللى بيخافوا من "الفضيحة"، ولا الحِجة اللى دايماً بنسمعها "ما هى تستاهل أصل لِبسها مُلفِت".. بأى حق حد يحكُم على لبس حد!

طب والمحجبات و المُختَمرات اللى بيتم التحرش بيهم دول برضه لبسهم مُلفت! طب وأهلنا زمان اللى كانوا بيلبسوا براحتهم و ماكنش فيه حد يتجرأ يبصلهم حتى وده لأن كان فيه تربية صح و إن الولد بيتعاقب لو غلط زيه زي البنت.

ليه وصلنا لكدة وليه ده بقى حالنا وليه بقى عندنا أشباه رجالة؟ فين الحل يا بلد؟ فين حقوق المرأة اللى بتنادوا بيها وأنتوا مش قادرين تحموها وتدوها أقل حقوقها وهى إنها تنزل تتعلم أو تشتغل عشان تصرف على نفسها أو على بيت هى مسئولة عنه، فين القوانين اللى بتحاكم المتحرش مش اللى تحسسه إنه بطل واللى بيعمله ده صح؟

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments