search

فن صناعة الموسيقى التصويرية

- كتب محمد فاروق -

صناعة السينما مش بس بتقوم علي الإخراج، التمثيل والسيناريو...بل فيه جزء يكاد يكون الضلع الرابع في مربع صناعة الافلام وهو الموسيقى التصويرية والحقيقة دي باعتبرها أهم جزء.

تخيل مسلسل رأفت الهجان بدون موسيقى الراحل عمار الشريعي الـلي بتثير جواك احساس الوطنية، أوفيلم "Interstellar" بدون موسيقى، أو"شمس الزناتي" بدون الحان هاني شنودة، أو فيلم "Saw" بدون الموسيقى المرعبة الـلي فيه...إلخ.

الموسيقى التصويرية فائدتها إنها بتخليك عايش جوه الفيلم، لأنها بتوصل لك الشعور الـلي الشخصية حساه. الموسيقى التصويرية في الأساس بدأت أيام السينما الصامتة، بسبب عدم وجود أجهزة تسجيل الصوت اللي بتُستخدم في صناعة الفيلم. وقت عرض الفيلم، كان فيه فرقة موسيقية بتقوم بعزف موسيقى تناسب المشهد، يعني مثلًا مشهد حزين، فيعزفوا موسيقي حزينة توصل للمُشاهد احساس الحزن، أو مشهد حماسي، فيعزفوا موسيقى حماسية،...إلخ.

الموضوع تطور في الموسيقى التصويرية وبقي يتم دمج أنواع موسيقى مختلفة في سبيل الوصول لموسيقى مناسبة للمشهد. ومش بس كدة، ده بقي لو فيه فيلم مشهور بموسيقى معينة بيتم استخدام الموسيقى دي في الإعلانات كنوع من التسويق. دة حصل مع شركة مارلوبورو اللي اقتبست موسيقي فيلم " العظماء السبعة " في إعلان لمنتجها.

من أشهر صانعي الموسيقى التصويرية حاليًا "Hans Zimmer" ومن أشهر اعماله موسيقى سلسلة افلام "Batman" و"Interstellar" ومن أشهرهم في مصر الراحل عمار الشريعي وعمر خيرت ودول أعمالهم لا تحصى.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments