search

هتعدى ثانوية عامة

- كتبت فرح فريد -

كعادتنا كل سنة فى الفترة دى - إمتحانات الثانوية العامة - فى مصر بنبقي متوترين؛ اللى داخل ثانوية عامة، واللي خلص ثانوية عامة من سنين، وممكن يكون خلص دراسة أصلاً، وحتى اللي ميعرفش حد فى ثانوية عامة، بيكون قلقان ولازم يدور علي حد فى ثانوية عامة يطمن عليه وعلى الامتحانات.. طب ليه؟

هي طقوس كدة خلقناها في بلدنا إن السنة دى سنة مصيرية، مرعبة، سنة "أكون أو لا أكون"، مع إن الكلام ده مش مظبوط ومالهوش أى لازمة غير أنه بيوتر الناس بس.

خلونا نتفق أن اللى عايز حاجة بيعملها لو الدنيا كلها وقفت فى طريقه، وأيًا كان حلمك إيه الكلية مش هتحققه لوحدها، فأنت برضو محتاج تشتغل على نفسك ولو حصل ومدخلتش الكلية اللى نفسك فيها برضه هتحقق اللى أنت عايزه بس بعيد عن الكلية، الثانوية العامة مش نهاية المطاف ومش مرعبة ومصيرية وهتعدى زيها زى أي سنة بس إحنا مدينها أكبر من حجمها.

أصحابي طلبة وطالبات الثانوية العامة.. مفيش داعى للقلق والتوتر، أنتم عملتوا اللي عليكم خليكوا واثقين في نفسكم، أنتم تعبتوا السنة دى في دروس ومشاوير ومصاريف وقلة نوم بس مفاضلش كتير وتخلصوا من السنة دى لكن الأهم أنكوا تخلصوها على خير، وتكونوا راضيين عن نفسكم، ومتمسكين بأحلامكم وتأكدوا إن ربنا هيعوض تعبكم خير، دمتم ناجحين.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments