search

Writer

How do you feel about the article?

"لولا أنتم ما كنت أنا"

- كتبت رنين أحمد -

أوقات كتير بنكدب على نفسنا أكتر ما بنكدب على اللي حوالينا، لا وكمان بنصدق الكدبة دى، أيوة بنكدب لما نقول إننا مش محتاجين لحد في حياتنا وإننا نقدر نقع ونقوم لوحدنا، بنكدب لما بنقول إننا هنقدر ننجح من غير تشجيع اللي حوالينا أو من غير وجود اللي بنحبهم جنبنا، بنكدب لما بنقول إن كل اللى وصلنا له فى حياتنا كان كله نتيجة تعبنا ومجهودنا لوحدنا.

ضحكنا على نفسنا بكلمة "استرونج اندبندنت".. لا أى شخص مهما كان قوى محتاج دعم فى الأيام التقيلة، محتاج كل القريبين منه يكونوا حواليه، محتاجهم يسندوه عشان يرجع يقف من تانى، وأى حد مهما كان ناجح محتاج تشجيع عشان يكمل، محتاج يسمع كلمة حلوة تحفزه محتاج كلمة برافو، زى بالظبط لما بتكون عارف غلاوتك عند شخص معين بس برضو محتاج كل شوية تطمن وتسمع منه قد إيه هو بيحبك وقد إيه وجودك فارق معاه.

نجاحنا اللى وصلنا له ماكناش إحنا بس السبب فيه، أى إنجاز في حياتنا فهو بعد توفيق ربنا بيرجع لمساندة أهالينا ودعمهم لينا، ووقفة صحابنا جنبنا وعياطنا فى حضنهم كل ما نقع وسندتهم لينا عشان نقوم أقوى من الأول، تشجعيهم لينا من أول المذاكرة لغاية شغلنا وكل خطوة بناخدها فى حياتنا، حتى لو كانوا بعيد عننا بس برضه بيشاركونا حياتنا خطوة بخطوة، وفرحتهم بينا وبنجاحنا أكتر من نفس؛ هى دى الفرحة اللى بتشجعنا نكمل.

إحنا مش عايشين فى الدنيا لوحدنا ولا هنقدر نعيش لوحدنا، كلنا محتاجين لبعض علشان نعرف نكمل ومفيش حد كبير على ده مهما بان عكس كده، فشكراً لأى حد له يد فى نجاح وصلناله حتى لو بكلمة بسيطة، وشكراً لكل اللى قرروا يقفوا جنبنا حتى لما كنا رافضينهم وفضلوا متمسكين بينا لغاية ما وقفنا على رجلينا من تانى.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments