search

رمضان الطفولة

- كتبت فرح فريد -

يأتي رمضان كل عام مصطحبُا معه حنين غامض لأيام الطفولة، وذكريات الصيام وتجمع الأهل على الفطار ومشاهدة مسلسل الكارتون اليومى اللى بيختلف اسمه كل سنة لكنه متأخرش عن الظهور خلال شهر رمضان فى أى سنة من السنين .

المغامرون الخمسة من أقدم وأشهر ذكريات جيل التسعينات في رمضان، نوسة لوزة تختخ عاطف محب دول أبطال المسلسل اللى أعمارهم بين الـ9 والـ14 سنة، لكن برغم صغر سنهم أذكياء وشجعان جداَ وبيحلوا لغز كل يوم.. "جرأة وشجاعة دول يا جماعة قد المغامرة لو كان اللغز ايه.. ده اللغز كله عند الخمسة حله والخير هدفهم والشر بينتصروا عليه".. أغنية التتر اللى مكناش فاهمين هى بتقول ايه ساعتها بس بنحبها كده وخلاص.

بوجي و طمطم من أقدم المسلسلات الكارتونية اللى اتعملت فى رمضان كان معاهم عم شكشك وزيكا وزيكو، بوجى كان بيمثل الولد الشقى وطمطم بتمثل البنت العاقلة وعم شكشك جارهم الفضولى اللى موجود فى كل حارة، المشكلة أننا كمشاهدين كنا مقتنعين إن بوجى وطمطم إخوات عادى مع إن بوجى قرد و طمطم ارنبة و كمان كنا متصالحين جدا مع فكرة أن أرنبة و قرد بيتعايشوا مع الناس عادي كدة.

أبو كف رقيق وصغير.. بكار ولد نوبى شجاع وعنده حيوانه الأليف اللي بيتناسب مع البلد اللي عايش فيها - المعزة - رشيدة وأصحابه حسونة وهمام وفارس اللى دايمًا مودينه في داهية، كل حلقة بيعيشونا معاهم مغامرة مختلفة وبيعلمونا حاجة جديدة، على الرغم من إن المسلسل كان باللهجة الصعيدية إلا أنها مسببتش أى صعوبة فى الفهم بالعكس خلته مميز وأثرت فينا - هوى أصحابى هوى بكار- بكار أتوقف فترة كبيرة ومبقاش يتعرض لكنه لما رجع تانى كان كل الناس مستنياه أطفال وشباب حتى الكبار، ومجرد ما سمعنا الأغنية وهو بيبدأ حسينا زى ما تكون قلوبنا بتسقف معاها "من قلبه وروحه مصرى والنيل جواه بيسرى".

عن طيبة الجنة الكون غني و الكل بيتعلم منا  ليلا ليلا لووو ليلا ليلا لاااا... كان تتر مسلسل سنوحي و حابي و تيتي شيري. المسلسل ده كان بيجمع بين حياة الفراعنة و الحياة العصرية يعني كنت تلاقي لبس الفراعنة مع طريقة كلام العامية و تصرفات الاطفال دلوقتي، و كان بيعرضلنا قصص و عادات المصريين القدماء زي قصة وفاء النيل بطريقة كوميدية بين الثلاث اصحاب.

عاملين زي نجوم السيما احمد رمزي و رشدي اباظة .... مع الاعتذار للفنان احمد رمزي و الفنان رشدي أباظة، ليه ظاظا فظاظا و ليه جرجير طازة و يعني ايه فظاظا اصلا ده سؤال بيطرح نفسه ولم يعثر له على جواب حتى الآن. ظاظا كان لونه احمر كده المفروض انه بني آدم عادي بس لونه احمر و جرجير اخوه بس لونه اخضر عادي برضو مش لازم نسأل ليه .

"تيكو" و "بوجو" كانوا فضائيين عايشين علي كوكب مختلف لكن الكوكب ده كان يتميز بأنه علي مستوي عالي من الرفاهية و التقدم العلمي لدرجة انه يوفر لسكانه السفر السياحي لكواكب تانية. تيكو كان عايز يسافر في رحلة استكشافية لانه بيحب العلم اما بوجو كان هلاس عشان كدة كان عايز يروح كواكب تانية يجرب اكل مختلف و ووسائل راحة  مختلفة. المشكلة بدأت لما ركبوا مع بعض مكوك فضائي و عشان حظهم الفقري المكوك عطل فنزلوا علي كوكب صغير جدا محدش يعرفه ، و بكدة بقوا شخصين عكس بعض تماما عايشين علي كوكب لوحدهم لا عارفين يرجعوا ولا طايقين يعيشوا مع بعض علي الكوكب العجيب ده اللي مش عارفي  ن اسمه حتي لحد ما لقوا يافطة قديمة مكسرة مكتوب عليها "كوكب كراكيب" و هنا بدأ المسلسل.

 وغيرهم كتييير، لو قعدنا نتكلم عنهم مش هيكفينا شهر بحاله. الذكريات الحلوة كتير و لسه هنعمل ذكريات بس هتفضل ذكريات الطفولة الحاجة اللي عمرنا ما هننساها خصوصا ذكرياتنا في رمضان.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments