search

Writer

How do you feel about the article?

اللى متعرفوش أحسن

- كتبت شذى أسامة -

?Any life updates

سؤال اتسألى من صديق كان بقالنا فترة متكلمناش، الحقيقة فضلت بتاع ٥ دقائق بفكر فى إجابة وملقتش، معقولة بقالنا شهور متكلمناش وبعد كل ده مفيش حاجة اتغيرت فى حياتى! طب مفيش حاجة exciting حصلت ولا موقف واحد يتحكى؟!  ساعتها أدركت قد إيه حياتى مملة ورتيبة ولو جينا قارنا بين الـlifestyle بتاعى من إعدادى مثلا هلاقيه زى ما هو.

بدأت أركز فى حياتى ولقيت إن فيه فكرة مسيطرة عليا وهى "الخوف من التغيير" ودى فكرة لو اعتنقتها بجد بتأثر على حياتك كلها من أول التفاصيل الصغيرة لحد القرارات المصيرية اللى ممكن تاخدها فى حياتك.

اللى هو أنا كل ما بروح أتغدى في حتة بطلب نفس الـorder اللى بطلبه من ٣ آلاف سنة ضوئية، مغنى معين بحبه أفضل أسمعله ورافضة أكتشف أى bands أو مغنيين تانيين، حد معين بحبه واخدنى for granted بس لأ مينفعش أسيبه أو استبدله بحد تانى، وحاجات تانية كتير بقى، والفكرة أن الإختيارات المضمونة دى بتضيع عليك فرصة أنك تجرب حاجات جديدة ممكن فعلاً تحبها وترتاحلها أكتر من اللى متعود عليها دلوقتى.

احنا ليه دايمًا بنخاف من التغيير وليه دايمَا بنرجع لمقولة اللى تعرفه أحسن من اللى متعرفوش، مش يمكن اللي معرفوش أحسن؟ ولو طلع وحش يا سيدى إيه المشكلة أما نغلط ونتعلم وناخد تجارب، مش بذمتك أحسن من الوضع دة ؟!! ناس كتير بتعيش حياتها ماشية جانب الحيطة، ممكن فعلاً يكونوا بيحافظوا على نفسهم بس صدقنى مش دى الحياة اللى المفروض تعيشها.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments