search

Writer

How do you feel about the article?

أول حاجة فى كل حاجة

- كتبت سلمى جلال -

فى حاجات كتير أوى بتفرحنا رغم بساطتها..

أول مرة زوغت فيها من حصة فى المدرسة وإحساسك أنك فى فيلم آكشن وتفضل تجرى من المدرسين طول الحصة. أول مرة حبيت فيها البنت الحلوة اللى معاك فى فصل الإبتدائى والجواب اللى رميته تحت ديسكها. أول مرة خرجت فيها مع صحاب مدرستك وحسيت أنك كبرت لمجرد أنك خرجت من غير أهلك. أول مرة جبت موبايل - اللى غالبًا كان نوكيا ٦٦٠٠- وفرحتك بيه وأنت ماشى وسط صحابك مع أنه ييبقى شبه الموبايل اللعبة. أول مرة تجيب درجة وحشة فى إمتحان وتعيط وبعد كده تحس انها حاجة عادية جداً. أول مرة تاخد استدعاء ولى أمر وتعرف أنك هتتعلق فى البيت.

أول مرة تروح فيها جامعتك أو شغلك بيبقى عندك مزيج من الحماس والتوتر ومع أول واحد يكلمك تبدأ تحس باﻹطمئنان والفرحة. أول مرة سافرت فيها مع صحابك وإحساس أنك من غير أهلك ومسؤول عن نفسك وقايم نايم واكل شارب مع صحابك. أول مرة تروح مكان مع حد بتحبه ويبقى بالنسبة لك أحلى مكان روحته. أول مرة تسمع من حد بتحبه قد إيه هو فخور بيك. أول مرة تساعد حد محتاج وترسم بسمة على وشه بالدنيا وما فيها. أول مرة قلبك يدق لحد وتحس وأنت معاه أن مفيش حد غيره فى الدنيا وأنك مش عايز الوقت يعدى.

أول مرة من كل حاجة بيبقى ليها نكهة خاصة كده، وعمرك ما بتنساها وبالذات لو مع حد بتحبه، حاولوا تستغلوا أى حاجة بتحصل لأول مرة فى حياتكوا وانبسطوا بيها لأنها أول ما هتعدى هتعرفوا قد إيه هى ذكرى حلوة وكان لازم تتعاش أحلى، واحنا عندنا كام أول مرة فى حياتنا عشان منستمتعش بيها؟!

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments