search

كلية إعلام

- كتبت ميار محب -

لو أنت طالب ثانوية عامة وحلم حياتك أنك تدخل كلية إعلام فأنا متأسفه جداً لأنى هكون الصخرة اللى هتكسرلك أحلامك - ما هى كده كده هتتكسر لو دخلت إعلام يعنى سيبني أفضفض - لو أنت طالب كلية إعلام فأنا برده متأسفة أنى هفكرك بجرح وغلطة عمرك فى نفس الوقت، لو أنت بقى طالب فى أى كلية ثانية أهو ههون عليك مصيبتك عشان كلنا بائسين والله.

إحنا كطلبة إعلام طالع علينا سُمعه أن احنا كلية سهلة وموادنا سهلة والعملى بتاعنا سهل ومقضينها خروجات وحفلات و"لايلو لايلو"، الصراحة أنا كنت زيى زيك لحد ما لبست فى أول "assignment" اللى هم عندنا حاجات سهله جداً، مجرد بحث بسيط عن نشأة الخلق، أو مراحل تطور التلفزيون من أيام ما كان مجرد فكرة "لولبيه"، أو الحاجات الجامعية العادية اللى تتلخص فى جملة "اعملولي بحث (فشخوميت) ورقة عن أى موضوع بس اللى مش هيعمل الموضوع اللى فى دماغى اللى محدش عارفه غيرى ملوش درجة عندى".

بعيداً عن كل ده، أنت بتدخل الجامعة أشهر حد تعرفه هو "أيمن بن أحلام كراويه" وإذ تتفاجئ أن مطلوب منك "interview" مع رئيس فرنسا، "هوب" تلاقى نفسك لبست فى امتحان متلحقش تذاكرله علشان مفيش "Material" تتذاكر وتضطر تلجأ لبركة دعاء الوالدين.

تطلع من الامتحان لسه بتقول "هيييح" تلاقى "ديد لاين" فجأة خبطك فى وشك عورك.. بس الحقيقه هو هيعورك فى الدرجات، "هووب" تلبس في "فاينال" يقضى على الباقى من أحلامك الوردية فى الحصول على درجة النجاح وتلاقى نفسك طالع بـ"GPA" بالسالب.

ادخلوا إعلام، إعلام حلوة وكلية امتيازات

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments