search

Writer

How do you feel about the article?

انا ايه بقى؟

- كتبت بسنت عبد الشافى -

خلونا نعترف ان فى طبقة في مصر كده مش مصريين، عايشين نفس الحياة الأوروبية بس فى أم الدنيا، بالنسبالهم كل التقاليد المصرية وعادتها حاجة قديمة جداً و"be cool man"  وخليك "open minded"، وطبعًا الـ"drink" شىء أساسى بعد يوم طويل ومع الغدا وعلي"beach" فى الساحل وفي سهرة "weekend"، بص هما بيعاملوه معاملة البيبسي تقريبًا وطبعًا الحوار لا يخلو من حفلة حلوة نخلصها و"نأفتر" علشان نظبط "الموود".

الطبقة دى بقي عندها عادى حبتين أنك تجيب طفل من صاحبتك، وبتتقبل الى حد ما أنك تكون"gay" من منطلق انه "قشطة الحب ملوش حدود مش ذنبك"، وطبعًا مننساش مبدأ "كلنا حرين".

الطبقة دى غالبًا بتبقى من اللى بنسميهم "صفوة المجتمع" من رجال أعمال وفنانيين ووزراء أو بعض العامين بالجهات المهمة.. الناس اللي بيبقى معاها فلوس ببذخ وقادرة "تهاندل" عيشة زى دى، ومع انها تقريبًا متجيش ٢٠% من حجم المجتمع الا ان تأثيرها كبير جداً.

تأثير الطبقة دى بيبقى فى الطبقة المتوسطة اللى نفسها هى كمان تبقى من صفوة المجتمع وعايزة تتحشر فى الطبقة الغنية هى كمان فتعمل ايه؟

نبتدي نتبنى معتقدات الطبقة الغنية - "اللى هما أصلاً ناحتنها من الدول الاوروبية اللى راحوها بدون أى وعى يعنى" - وتقول وماله وتقلدهم اعتقاداً أن كدة انا بقيت من ضمن الطبقة دى، ونلاقى فجأة مسلسلاتنا وأفلامنا و"السوشيال ميديا" بتنقل افكار متخصناش بالمرة على أساس انه "فيها ايه؟" و"يلا نبقى متفتحين".

المصيبة هنا انه كمان ١٠ سنين مش هيبقى في مصر.. وبدل ما بنحتفل بالعيدين وشم النسيم ويوم الجمعة يوم مميز جدا عندنا.. والرجالة بتنزل تصلى بالجلابية فى رمضان وبناكل الكنافة العادية جداً جداً بتاعتنا أم شربات دى، هيبقى فى احتفالات "هالوين" ورأس السنة هى "التريند" وأصالتك كمصرى عربى موجودة بس في واجهة محل أو كافيه كنوع من "النوستالجيا".

في حين لو بصينا على الصين مثلا، هنلاقيهم بيبنوا اقتصاد وبيعملوا مدن تضاهى الدول الأوروبية.. متقدمين فعلا وعندهم أعلى مبانى فى العالم وأكبر شبكة مترو ومع ذلك محتفظين بأعيادهم وثقافتهم ونوع أكلهم والتنين الأحمر بتاعهم وأساطيرهم وبيمجدوها.

وهنا بيجى الاختلاف وارجع اسأل نفسي: أنا فين؟ ومين؟ أنا الأوروبى اللى مش لايق عليا؟ ولا المصري الأصيل اللى فى عين الرأى العام متخلف؟ أنا ايه ؟!!!

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments